Flestar af skáldsögum Morgan Robertson hafa fyrir löngu fallið í gleymskunnar dá en bókin „Futility“ getur enn fengið hárin til að rísa hjá lesendum nútímans.
Robertson var fyrrum sjómaður og með reynslu sína af 20 ára sjómennsku skrifaði hann árið 1898 dramatíska frásögn um skipskaða í norðanverðu Atlantshafi. 14 árum síðar kom í ljós að hann hafði á einhvern óhugnanlegan máta sagt fyrir um örlög Titanics.
Í bókinni heldur 269 metra langt farþegaskip úr höfn en það er nákvæmlega jafn langt og Titanic. Þetta gerist eina stjörnubjarta nótt í apríl og Títan, eins og skemmtiferðaskipið heitir, er með 2.500 farþega um borð. Titanic hélt einnig úr höfn í apríl og þar um borð voru 2.453 farþegar.
Robertson segir Títan vera ósökkvanlega snilldarsmíð rétt eins og sagt var um Titanic. Í skáldsögunni rekst Títan á ísjaka á miklum hraða sem rífur gat á stjórnborðshlið skipsins. Árið 1912 sigldi Titanic einmitt á furðulega miklum hraða þegar stjórnborðshlið skipsins rifnaði upp eftir árekstur við ísjaka.
Robertson lýsir því hvernig sjórinn streymir inn, skipið sekkur og einungis nokkrir farþegar komast upp í fáeina björgunarbáta Títans. Eftirlifendurnir þurfa að bíða eftir hjálp í ísköldum sjónum 400 sjómílum austan við Nýfundnaland.
Snorklur gerðar úr sefi, kafbátar með árum og umbreyttur hjálmur fyrir slökkviliðsmenn – við skulum skyggnast inn í sögu sjávarrannsókna á botni heimshafanna í Maríana-djúpálnum.
Titanic sökk 300 sjómílum frá Nýfundnalandi. Eftir að Títanic sökk töldu margir að Robertson hlyti að búa yfir skyggnigáfu en sjálfur útskýrði rithöfundurinn þessi fjölmörgu líkindi með því að hann hefði unnið á farþegaskipi sem sigldi milli Ameríku og Englands. Hann bjó því yfir umfangsmikilli þekkingu um skipasmíðar og siglingaleiðir ásamt veðuraðstæðum í Norður-Atlantshafi.
Bókin var endurnefnd og gefin út á ný
Skömmu eftir að Títanic fórst flýtti bandarísk bókaútgáfa að gefa verk Robertson út aftur undir nýjum titli: „The Wreck of the Titan“. Síðan hefur þessi skáldsaga verið endurútgefin fjölmörgum sinnum á síðustu 112 árum.
