Hlátur er eitt besta náttúrumeðalið sem getur bætt heilsu þína.
Hlátur lætur þig slaka á bæði líkamlega og andlega. Hláturinn dregur úr pirringi, kvíða og þunglyndi og vinnur á móti svefnleysi.
Þú verður meira að segja fallegri ef þú hlærð, því hláturinn eykur blóðflæði í andlitshúðinni sem hefur styrkjandi áhrif á hana.
Lykillinn að hlátri getur að auki gefið vísbendingar um andlega heilsu þína.
Þetta sýnir rannsókn sem varpar ljósi á hvers konar húmor getur aukið hættuna á geðsjúkdómum.
Eru brandararnir þínir bara sagðir til að létta lundina eða gætu þeir verið lúmskt ákall um hjálp?
Vísindamenn við háskólann í Flórens mátu húmor 686 Ítala með því að nota spurningalista sem innihélt mismunandi gerðir af húmor, t.d. háð, kaldhæðni, góðlátlegt grín og svartan húmor.
Þeir mátu síðan þunglyndi, kvíða og streitu þátttakenda með því að nota sjálfsmatsspurningalista.
Niðurstöðurnar sýndu að ákveðnar tegund af húmor eru betri fyrir andlega heilsu þína en aðrar.
„Niðurstöðurnar sýna að ástríkur og velviljaður húmor þjónar sem verndandi þáttur gegn þunglyndi, kvíða og streitu. Á hinn bóginn auka háð og kaldhæðni hættuna á sömu kvillum,“ segir Alberto Dionigi doktor í samskiptasálfræði við háskólann í Flórens í fréttatilkynningu.
Vísindamennirnir benda á að háð og kaldhæðni megi hugsanlega skilja sem leið einstaklingsins til að verja sig.
„Þetta er húmor á kostnað annarra, sem heldur sjálfum þér utan við brandarann. Hvers konar húmor þú beitir felur hvað þú ert raunverulega að hugs og hvernig þér líður“ segir Alberto Dionigi.
Fimm svæði stjórna skaplyndi okkar
Heilinn inniheldur yfirleitt fimm svæði sem stjórna skaplyndi okkar og gera okkur kleift að vinna úr tilfinningum. Hjá þunglyndu fólki virka þessi svæði ekki sem skyldi, en með hjálp raförvunar er hægt að stilla taugavirknina þannig að hún komist í eðlilegt horf.
Tóttarennisbörkur
Stjórnar tilfinningalegri hegðun og ákvarðanatöku.
Eyja
Stjórnar tilfinningalegum viðbrögðum og gildismiðuðum ákvörðunum.
Fremri gyrðilgára
Stjórnar tilfinningalegri úrvinnslu og meðvitund.
Mandla
Stjórnar ótta og varnarviðbrögðum.
Dreki
Stjórnar áttun og ratvísi, minni og námsgetu.
Ígræddur rafnemi nemur merki heilans
Taugaígræðsla sem samanstendur af rafskautum á stærð við sesamfræ er sett undir höfuðkúpu á yfirborði heilans. Á sama hátt og gangráður fylgist stöðugt með hjartslætti og grípur inn í þegar hann er óeðlilegur, mælir rafskautið stöðugt rafvirkni á þeim fimm heilasvæðum sem tengjast skaplyndi og leiðréttir hana.
Rafneminn sendir heilanum rafboð
Fimm rafskaut eru tengd við rafnemann og hvert um sig tengist einu af svæðum heilans. Þau gefa frá sér litlar raflostbylgjur um leið og þau fá boð um frávik frá eðlilegri virkni. Hugmyndin er sú að raförvunin grípi inn í af mikilli nákvæmni þar sem þunglyndið er að valda heilanum skaða.
Fimm svæði stjórna skaplyndi okkar
Heilinn inniheldur yfirleitt fimm svæði sem stjórna skaplyndi okkar og gera okkur kleift að vinna úr tilfinningum. Hjá þunglyndu fólki virka þessi svæði ekki sem skyldi, en með hjálp raförvunar er hægt að stilla taugavirknina þannig að hún komist í eðlilegt horf.
Tóttarennisbörkur
Stjórnar tilfinningalegri hegðun og ákvarðanatöku.
Eyja
Stjórnar tilfinningalegum viðbrögðum og gildismiðuðum ákvörðunum.
Fremri gyrðilgára
Stjórnar tilfinningalegri úrvinnslu og meðvitund.
Mandla
Stjórnar ótta og varnarviðbrögðum.
Dreki
Stjórnar áttun og ratvísi, minni og námsgetu.
Ígræddur rafnemi nemur merki heilans
Taugaígræðsla sem samanstendur af rafskautum á stærð við sesamfræ er sett undir höfuðkúpu á yfirborði heilans. Á sama hátt og gangráður fylgist stöðugt með hjartslætti og grípur inn í þegar hann er óeðlilegur, mælir rafskautið stöðugt rafvirkni á þeim fimm heilasvæðum sem tengjast skaplyndi og leiðréttir hana.
Rafneminn sendir heilanum rafboð
Fimm rafskaut eru tengd við rafnemann og hvert um sig tengist einu af svæðum heilans. Þau gefa frá sér litlar raflostbylgjur um leið og þau fá boð um frávik frá eðlilegri virkni. Hugmyndin er sú að raförvunin grípi inn í af mikilli nákvæmni þar sem þunglyndið er að valda heilanum skaða.
Þrátt fyrir þessar niðurstöður leggja vísindamennirnir á bak við rannsóknina áherslu á að frekari rannsókna sé þörf á lundarfari og geðheilbrigði og hvort það kunni að vera ólíkt eftir menningu og þjóðerni.
Til dæmis má nefna að þó að kaldhæðni sé til dæmis algengari í sumum menningarheimum en öðrum, þá þarf það ekki að þýða að hættan á að fá þunglyndi sé verulega meiri þar, segir þar.
