Almennt er nú samþykkt meðal steingervingafræðinga að fuglar séu komnir af risaeðlum. En þróunarsaga þessara fiðruðu flugdýra er enn full af eyðum og leyndardómum sem veldur vísindamönnum talsverðu hugarangri.
Og hverjar eru þær stórkostlegu breytingar á líkama þeirra og umhverfi sem að lokum breyttu risastórum kjötætum í litlu vængjuðu dýrin sem við þekkjum í dag?
Nú getur heil beinagrind af fugli sem lifði fyrir 120 milljónum ára þar sem nú er Kína, hjálpað vísindamönnum að skilja sumar þessara breytinga aðeins betur.
Fuglar í dag geta hreyft efri gogginn óháð höfuðkúpunni og neðri kjálkanum. Hinn forni fugl Cratonavis zhui gat það líklega ekki.
Endurgerðu blendingsfuglinn
Hinn forni fugl hefur verið nefndur Cratonavis zhui og fannst steingervingurinn við uppgröft á svæði í norðurhluta Kína, þar sem steingervingafræðingar hafa einnig áður uppgötvað steingervinga af fiðruðum risaeðlum og fyrstu fuglum heims.
Steingervingafræðingarnir notuðu röntgengeisla og háþróaða tölvugreiningu, svokallaðan tölvusneiðmyndaskanna, til að sjá beinin í grjótstykkjum og endurgera upprunalega lögun höfuðkúpunnar. Þeir uppgötvuðu að lögunin var nánast eins og höfuðkúpuform risaeðla eins og Tyrannousaurus rex sem er undarlegt þar sem líkaminn er líkari fugli.
Rannsakendur notuðu tölvusneiðmyndaskanna til að gera myndir af steingervingabeinum og endurgera þennan 120 milljón ára gamla forsögulega fugl.
„Frumstæð höfuðkúpan bendir til þess að flestir fuglar frá Krítartímabilinu, eins og Cratonavis, gátu ekki hreyft efri gogginn óháð höfuðkúpunni og neðri kjálka,“ segir dr. LI Zhiheng sem er einn af aðalhöfundunum á bak við rannsóknina, sagði í fréttatilkynningu.
Nokkrir eiginleikar eru frábrugðnir nútíma fuglum
Hinn nýuppgötvaði Cratonavis steingervingur staðsetur sig einhvers staðar á milli langhala risaeðlufuglsins Öglir (Archaeopteryx) og annarra fornfugla með einhverja sameiginlega eiginleika frá lifandi fuglum sem við þekkjum í dag.
Lestu einnig:
Sjúkraskrár afhjúpa miskunnarlaust líf risaeðlanna:
Ennfremur var blendingsfuglinn frábrugðinn fuglum í dag, m.a. er hann með sérstaklega löng herðablöð og afar langt bein í fæti. Þess vegna telja vísindamenn einnig að uppgötvunin sé mikilvægt skref til að skilja gríðarlega þróun fugla.
