Orðið púðurskot er notað um skot sem hljóma eins og alvörubyssuskot en eru hönnuð til að valda ekki skaða.
Til eru tvær megingerðir: púðurhlaðnar hulsur með flötu loki að framan, yfirleitt kallað púðurskot og svo venjuleg skothylki þar sem púðrið hefur verið fjarlægt, oft nefnt „dummy“.
Leikarinn Alec Baldwin var í fréttum um heim allan nýlega, þegar hann skaut og banaði samstarfskonu sinni með skammbyssu sem hann hélt að væri hlaðin púðurskotum en reyndist hlaðin alvöruskotum.
Púðurskotin geta verið hættuleg af ýmsum ástæðum. „Dummy“-kúlunum er t.d. auðvelt að rugla saman við alvöruskot.
Kúlan úr slíku skothylki getur líka losnað úr hulsunni og leynst í hlaupinu þegar byssan er síðan hlaðin með púðurskotum. Þá þrýstir flata lokið úr hulsuendanum kúlunni af stað mjög svipað og ef alvöruskot hefði verið notað og það getur verið mjög hættulegt.
Jafnvel þótt yfirleitt sé mun minna púður í lausa skotinu en venjulegu skothylki.
Af sömu ástæðu er oft settur svokallaður magnari í venjulegar byssur áður en hægt er að nota þær til að skjóta púðurskotum. Þetta gildir t.d. um sjálfvirka riffla sem venjulega nota þrýsting frá skoti til að endurhlaða en ná ekki að endurhlaða púðurskot vegna minni þrýstings.
Afturkast skilar nýju skoti
Þegar skotið er af sjálfvirkri byssu nýtist krafturinn til að endurhlaða vopnið en séu notuð púðurskot þarf að bæta við magnara.
1. Vopnið í kyrrstöðu
Vopnið er í kyrrstöðu og hulsu með kúlu í hlaupinu. Kúlan er fremst í skothylkinu (rauð). Í stað kúlu er hulsa púðurskots flöt að framan.
2. Hleypt af
Gikkurinn smellir fjöður á hettuna aftan á skothylkinu. Það kviknar í púðrinu og púðurgasið myndar þrýsting sem skýtur kúlunni.
3. Nýtt skothylki
Þrýstingur kastar fjöðrinni til baka og kastar tóma hylkinu út um leið og nýtt skothylki smellur upp í hlaupið. Púðurskot eru kraftminni og því þarf að setja magnara í hlaupið.
Magnarinn er settur í hlaupið, þannig að það mjókkar og afturkast púðurskotsins verður öflugra.
Í kvikmyndum er notuð sama tækni. Magnarinn er falinn í hlaupinu. Hlaupið er borað út og í það skrúfaður bolti með 3-5 millimetra gati.
Gatið í skrúfunni er minna um sig en hlaupið og þess vegna dugar púðurskotið eitt og sér til að kasta tómu hulsunni út.
