Enginn vafi leikur á að ís er að finna á Mars. Stjörnufræðingar geta beinlínis séð hvítan ísinn á pólunum þar sem hann liggur í margra metra lagi.
En nú hefur geimkanninn Mars Reconnaissance Orbiter (MRO) einnig fundið ís nær miðbaug Mars á breiddargráðu sem hér á jörðu samsvarar suðurhluta Evrópu.
Ísinn liggur mörg hundruð metra undir yfirborðinu á svæðinu Deuteromilus Mensai sem er á 42,4° norðlægrar breiddar á afar jarðfræðilega áhugaverðu svæði. Þar liggja mörkin milli gamals landslags þöktu gígum og flatri láglendri sléttu Vastitas Borealis, sem kann að hafa verið þakið hafi fyrir meira en 2 milljörðum ára.
Landslagið þarna er alsett stökum björgum, flötum sléttum og giljum. Utanfrá er fátt sérstakt að sjá fyrir utan vanalegt rautt og ryki þakið landslag. En MRO er búin sérstökum radar sem getur afhjúpað leyndan ís.
Hér um að ræða mikið magn af ís á svæði sem nær yfir mörg hundruð km. Ísinn er einkum að finna undir gígum, dölum og bröttum hlíðum. Kannski hefur svæðið forðum verið hulið ís en þurrari tímaskeið hafa orsakað uppgufun hans fyrir utan þessi svæði þar sem ísinn hefur verið vel varinn.
