Nú geta læknar styrkt brotin bein með plasti sem sprautað er í beinið.

Kvoðan fyllir í þær sprungur í beininu sem myndast við brotið og hefur því fengið enska heitið „Injectible Bone“.

Við stofuhita er efnið í duftformi en við líkamshita rennur það saman og harðnar þannig að mjög minnir á náttúrulegt bein.

Öfugt við önnur beinsteypuefni myndar þetta plast ekki hita þegar það harðnar og það er mikill kostur, því hitinn drepur nærliggjandi frumur.

Annar kostur er svo fólginn í því að plastið getur breyst í mjólkursýru sem líkaminn getur svo losað sig við eftir venjulegum leiðum.

Uppfinningamennirnir, m.a. vísindamenn við Nottinham-háskóla segja efnið í mörgum tilvikum geta komið í staðinn fyrir nagla og skrúfur.