44,6 milljónir dollara eða 6,2 milljarðar króna.
Þetta er upphæðin sem óþekktur kaupandi eyddi á miðvikudaginn í að kaupa eina heillegustu beinagrind sem fundist hefur af risaeðlutegundinni kambeðlu (stegosaurus).
Beinagrindin, kölluð „Apex“, var seld í uppboðshúsinu Sotheby’s í New York.
Upphæðin er sú hæsta sem greidd hefur verið fyrir steingerving eða beinagrind á uppboði, skrifar Sotheby’s á samfélagsmiðilinn X.
Uppboðinu var við það að ljúka með 25 milljónum dala tilboði en á síðustu stundu var hærra tilboð gert og seldist því beinagrindin fyrir metfé.
„Apex“ fannst í maí árið 2022 nálægt bænum Dinosaur í Colorado fylki og er talið vera á milli 146 og 161 milljón ára gömul.
254 af 319 beinum hafa fundist, sem samsvarar um það bil 80 prósentum. Hlutirnir sem eftir eru hafa verið þrívíddarprentaðir eða mótaðir.
Beinagrindin er 3,3 metrar á hæð og 8,2 metrar frá nefi til halaenda.
Að sögn Sotheby’s sýna rannsóknir á beinum sem fundust að þau tilheyrðu stóru, kraftmiklu og fullorðnu dýri. Einnig hafa fundist merki um liðagigt sem bendir til þess að risaeðlan hafi verið gömul þegar hún dó.
Það eru engin merki um að ,,Apex” hafi verið látist í bardaga.
Steingervingar af risaeðlum sýna fjölmörg beinbrot, bitför og merki um sýkingar og krabbamein.
Kambeðlan var jurtaæta og helstu einkenna hennar eru stórir kambar á bakinu. Ekki er þó vitað nákvæmlega til hvers kambarnir voru notaðar.
Kambeðlan var með heila á stærð við plómu.