Leiðbeiningar um hversu lengi móðir ætti að hafa barnið sitt á brjósti eru nánast óteljandi.
En eitt er nú víst. Á meðan á brjóstagjöf stendur fær barnið mikilvæg næringarefni sem styrkja bæði ónæmiskerfið og þol gegn sýkingum og ofnæmi.
Nýlegar rannsóknir sýna nú fram á greinilegan, vitrænan ávinning af móðurmjólkinni.
UNICEF mælir með brjóstagjöf í sex mánuði en spænskir vísindamenn vilja meina að það geti verið mikill ávinningur seinna meir ef barnið er haft á brjósti í átta mánuði.
Samkvæmt niðurstöðu þeirra getur barnið orðið greindara á vissum sviðum.
Langvarandi ávinningur brjóstagjafar
Vísindamenn frá Rovira háskólanum í Virgili vildu komast að því hvort það væri munur á greindarvísitölu 4 ára barna eftir því hvort þau, sem ungabörn, hefðu verið á brjósti eður ei.
Niðurstöður fyrri rannsókna bentu til þess, en niðurstöður voru nokkuð óljósar þegar tekið var tillit til þátta eins og aldurs móður, kyns barnsins og reykinga á meðgöngu.
Því skoðuðu spænsku vísindamennirnir gögn 613 drengja og stelpna sem voru prófuð bæði hvað varðar greindarvísitölu og svo almennum, vitsmunalegum og andlegum hæfileikum og tóku tillit til þessara þátta.
Niðurstaða vísindamannanna er sú að það sé „langvarandi vitsmunalegur ávinningur af brjóstagjöf“.
Betri vitsmunahæfileikar
Í rannsókninni benda rannsakendur á að börn sem fengu brjóstagjöf í einn til átta mánaða höfðu hærri greindarvísitölu samanborið við börn sem ekki höfðu verið á brjósti.
Kostir brjóstamjólkur
- Móðurmjólkin smellpassar við þroska og þarfir barnsins frá nýbura til barns.
- Mjólkin hefur verndandi eiginleika sem gefa barninu þol gegn sjúkdómum á unga aldri sem og þegar þau eldast.
- Með brjóstagjöf verður barnið ekki eins viðkvæmt fyrir smitsjúkdómum. Til dæmis gegn hinum ýmsu sýkingum.
- Móðurmjólkin hefur einnig verndandi áhrif gegn hvítblæði hjá börnum og mögulega vernd gegn ofnæmi.
- Rannsóknir hafa einnig sýnt að brjóstamjólk hjálpar til við að þróa heila og greind barna.
Að auki voru aðrir vitrænir hæfileikar betri hjá þeim sem höfðu verið á brjósti – t.d. vinnsluminni, svokallaðir óyrtir hæfileikar (non-verbal), rýmisvitund og hæfileikar til að leysa vandamál.
Ávinningurinn sást hjá börnum á aldrinum fjögurra til fimm ára og sást einnig þegar leiðrétt var fyrir greindarvísitölu móður og tengsl milli barns og móður.
Lestu leiðbeiningar vísindanna um ákjósanlegt uppeldi.
Nýlegar rannsóknir hafa leitt í ljós að foreldrar ættu að spara reiðilegu orðin. Ekki er aðeins hætt við að börnin eigi eftir að þjást af geðrænum kvillum fyrir vikið, heldur minnka heilar þeirra að sama skapi.
Vísindamenn segja í rannsókninni að brjóstagjöf fram yfir átta mánuði hafi reynst draga úr hættu á svokölluðum neikvæðum, óyrtum hæfileikum.
Rannsóknin birtist í vísindatímaritinu International Journal of Early Childhood.
Samkvæmt UNICEF ætti barn eingöngu að neyta brjóstamjólkur fyrstu sex mánuðina og eftir það sé annari fæðu smám saman bætt við.
