Í júlí árið 1950 fékk sirkusleikstjóri í Wuppertal hugmynd að snjallri auglýsingu sem hlaut óvæntar afleiðingar. Leikhússtjórinn fór oft um borgina með fílinn Tuffi til að auglýsa sirkus sinn.

Ferðalag þetta fram og til baka tók sinn tíma, svo sirkusstjórinn ákvað að taka einteinungsvagn Wuppertals.

Fyrsta ferðin gekk ágætlega. Tuffi át blómvönd eins farþega og pissaði á gólfteppi vagnsins en kippti sér annars lítið upp við tilstandið.

En þegar ferðin var endurtekin skömmu síðar virðist Tuffi hafa fengið nóg af mannskaranum, því hún rauk öskrandi af stað og braut sér leið í gegnum vegg vagnsins.

Farþegarnir horfðu gapandi á fílinn hrapa eina 10 metra niður í Wupperfljótið.

Tuffi lifði af fallið og dó síðan árið 1989.

Hún var aldrei neydd til að ferðast aftur með almennum samgöngum.