1. Gamalt bjórtrix virkar ekki
Áður en þú opnar bjórdós sem hefur orðið fyrir hristingi, skaltu banka létt ofan á hana eða á hliðina. Þannig sleppur maður við að helmingurinn af innihaldinu freyði út.
Þetta er algengt meðal þeirra sem drekka bjór en nýleg rannsókn sýnir að aðferðin virkar ekki.
Hjá Suðurdanska háskólanum var gerð tilraun með 1.000 bjórdósir og úr þeim reyndist freyða alveg jafn mikið hvort sem bankað var á þær eða ekki.
2. Sterkur bjór góður fyrir magann
Einn sterkur belgískur bjór á dag kemur maganum í lag, segja hollenskir vísindamenn.
Að hluta er þetta vegna þess að bætibakteríur í bjórnum bæta þarmaflóruna en þessi bjór er gerjaður í tveimur áföngum og í síðari umferð myndast sýrur sem eru eitraðar fyrir margar sjúkdómsvaldandi bakteríur.
3. Timburmannaráð fá falleinkunn
Til að komast hjá timburmönnum er rétt að drekka fyrst bjór og færa sig svo yfir í vín, segir gamalt húsráð sem breskir vísindamenn hafa nú rannsakað.
Þeir létu 90 karla og konur drekka sig full og öllum reyndist líða ámóta illa daginn eftir, óháð því í hvaða röð drykkjarföngin voru innbyrt.
4. Ölgerið kom eftir silkileiðinni
Gerfrumurnar sem við eigum nútímabjórinn að þakka hafa bæði í sér gen úr evrópsku víngeri og asísku hrísgrjónageri.
Þetta segja bandarískir vísindamenn sem hafa skoðað erfðaefni ölgerla. Ölgerið hefur trúlega orðið til á silkileiðinni svonefndu þegar þessar tvær gerðir gerla hafa blandast saman í verslunarleiðangri.
