Mañana, mañana.

Margir kannast sennilega við að vilja slá hlutum á frest, leiðinlegu verkin fara hvort eð er ekkert.

Ef til vill ekki en það gæti samt verið slæm hugmynd að fresta.

Það eykur ekki eingöngu á samviskubitið, heldur getur það að öllum líkundum leitt til fjölda annarra neikvæðra afleiðinga.

Þetta sýnir sænsk rannsókn sem hefur verið birt í Journal of the American Medical Association (JAMA).

Getur verið erfitt fyrir heilsuna og veskið

Rannsóknin byggir á gögnum frá 3525 sænskum nemendum frá átta mismunandi háskólum.

Rannsakendur völdu að beina sjónum sínum að nemendum vegna þess að námslífið býður að jafnaði upp á mikið frelsi og gerir að sögn rannsakenda jafnframt miklar kröfur til hæfni nemenda til að „stjórna sér“, þ.e.a.s. meðvitað stjórna hugsunum, tilfinningum og hegðun til að ná markmiðum sínum.

Nemendur voru reglulega beðnir um að svara nokkrum spurningum um lífsstíl sinn á níu mánaða skólatímabili þ.a. rannsakendur gætu mælt tilhneigingu þeirra til að fresta.

Svör nemenda voru síðan borin saman við svör þeirra við spurningum um líkamleg, andleg og sálfélagsleg vandamál, svo sem hvort nemendur hefðu tilhneigingu til að finna til einmanaleika.

Og niðurstaðan var nokkuð skýr: nemendurnir sem höfðu tilhneigingu til að fresta hlutum leið einnig verr á hinum ýmsu sviðum.

Samkvæmt rannsóknargögnum voru nemendurnir sem frestuðu, bæði með hærra einkenni streitu, þunglyndis og kvíða en þeir sem voru minna gjarnir á að fresta.

Jafnframt kvörtuðu frestunargjarnir nemendur meira yfir verkjum í efri hluta líkamans, sváfu illa og hreyfðu sig minna.

Sjúkleg frestunarárátta

Þeir fundu fyrir meiri einmanaleika og áttu í meiri fjárhagsvandræðum, samkvæmt rannsókninni.

Að sögn rannsakenda hafa flestir tilhneigingu til að fresta verkefnum og húsverkum örlítið.

En hjá sumum getur frestunaáráttan farið út í öfgar og orðið nánast sjúkleg sem getur svo haft alvarlegar afleiðingar hvað varðar lífsgæði.