Meltingartruflanir eða meltingarónot  (dyspepsia) eru langvarandi eða endurteknir sársauki eða óþægindi í efri meltingarvegi og geta verið mjög óþægileg.

Kvillinn, sem hrjáir um 20-40 prósentum fólks, veldur gjarnan snöggri mettunartilfinningu, ógleði, uppköstum og magaþembu.

Meltingartruflanir eru venjulega meðhöndlaðar með prótónpumpuhemlum eða PPI (proton pump inhibitors) sem draga úr framleiðslu magasýru. En vísindamenn hafa nú komist að því að jafn árangursrík meðferð má finna í flestum eldhúsum.

Hér er um að ræða túrmerik sem er mjög algengt krydd í matargerð. Það inniheldur virka efnið curcumin, sem hefur bólgueyðandi og bakteríudrepandi áhrif.

Tvíblinda samanburðarrannsóknin með lyfleysu, sem gerð var á 151 karli og konu á aldrinum 18-70 ára, sýnir að túrmerikhylki virka eins vel og PPI lyfið ómeprazól.

Þátttakendum var skipt í þrjá hópa sem hver fékk meðferð fjórum sinnum á dag í 28 daga. Einn hópur fékk tvö stór túrmerik hylki (250 mg hvert) og lítið lyfleysu hylki. Einn hópur fékk lítið ómeprazól hylki (20 milligrömm) og tvö stór lyfleysu hylki. Og einn hópur fékk eitt lítið ómeprazól hylki (20 mg) og tvö stór túrmerik hylki (250 mg hvert).

Þekktu ekki innihaldið

Allir þátttakendur í hópunum þremur fengu því eitt lítið hylki og tvö stór hylki fjórum sinnum á dag en vissu ekki hvert innihaldið var.

Við upphaf rannsóknarinnar höfðu einstaklingar í öllum þremur hópunum svipuð einkenni meltingartruflana og voru þátttakendur endurmetnir eftir 28 og svo aftur eftir 56 daga.

Allir sjúklingarnir í þessum mismunandi hópum fengu nokkurn vegin svipaðan bata frá einkennunum. En þar sem túrmerik veldur ekki aukaverkunum, ólíkt PPI efnablöndum, gæti það reynst öruggara við val á meðferðum.