Hús framtíðarinnar verði byggð úr okkar eigin þvagi.
Í Höfðaborgarháskóla í Suður-Afríku hafa vísindamenn fundið aðferð til að endurnýta ýmis efni í þvagi í tveimur skrefum.
Vísindamenn frá Höfðaborgarháskólanum í Suður-Afríku með umhverfisvæna múrsteina.
Fyrst er fosfórinnihaldið einangrað, en það má nýta sem áburð. Það sem eftir verður er blandað með sandi og í blönduna eru settar bakteríur sem framleiða ensímið urease.
Ensímið brýtur niður úrgangsefnin í þvaginu og í staðinn myndast kalsíumkarbónat, efni sem m.a. veitir eggjaskurn styrk sinn. Karbónatið hefur svipaða virkni og sement og bindur sandkornin saman í sterka steinblöndu.
Þvagsteinninn er framleiddur við stofuhita og framleiðslan losar því ekki koltvísýring.
Hefðbundnir múrsteinar eru framleiddir við háan hita, oft um þúsund gráður og orkunotkunin losar mikið af koltvísýringi. Þvagsteinarnir þurfa mun minni orku þar eð þeir eru „brenndir“ við stofuhita.
Annar kostur þvagsteinanna er sá að auðveldlega má aðlaga styrkleikann. Því lengur sem bakteríurnar fá að starfa, því sterkari verður steinninn.
Um 35 lítra af þvagi þarf í einn múrstein. Það samsvarar um 100 klósettferðum.
Vísindamennirnir undirstrika að að þessi framleiðsla veiti tækifæri til að endurnýta fleiri frumefni sem mikið er af í þvagi, svo sem köfnunarefni og kalíum.
Þótt þvag sé innan við 1% af öllu skólpi frá heimilum er í því 80% köfnunarefnis og 63% af kalsíuminni heimilisskólpsins.
