Þegar við þvoum líkamann losum við okkur við óhreinindi, lykt og dauðar húðfrumur sem hafa safnast fyrir á húðinni yfir daginn. 

Sturtan tryggir líka að örverur eins og skaðlegar bakteríur, veirur og sveppir setjist ekki á húðina. 

Allavega ef þú þværð þér almennilega. 

Nú hefur rannsókn sýnt fram á að margir hafa tilhneigingu til að gleyma þremur svæðum á líkamanum sem óæskilegar örverur geta auðveldlega komið sér fyrir. 

Slæmar bakteríur setjast að 

Vísindamenn frá George Washington háskólanum söfnuðu 129 DNA sýnum frá aðgengilegum svæðum á líkama þátttakenda, t.a.m. handleggjum – og eins sýnum frá svæðum sem erfiðara er að komast að – svæðum sem oft gleymast.  

Niðurstöðurnar sýndu að fjölbreytileiki örvera á handleggjum var mun meiri en var á bak við eyru einstaklinganna, milli tánna og í nafla.

Þessi þrjú svæði innihalda aðrar tegundir baktería en aðgengilegri svæði líkamans vegna þess að við vanrækjum að þvo þau.

„Þurrari húðsvæði, til dæmis á handleggjum og kálfum voru ríkari af mismunandi örverum en fitusvæðin fyrir aftan eyrun og rök svæði í nafla og á milli tánna,“ segir Keith Crandall, prófessor í líftölfræði og lífupplýsingafræði við George Washington háskóla og aðalhöfundur rannsóknarinnar í yfirlýsingu.

Auðvelt er að gleyma þessum krókum og kimum og þegar skaðlegar örverur finna góð lífsskilyrði geta þær breytt jafnvægi húðarinnar.

„Slíkt ójafnvægi getur leitt til húðsjúkdóma eins og exems eða unglingabóla og vondri lykt frá ákveðnum líkamshlutum,“ segir í rannsókninni.

Áminning fyrir næstu sturtu

Svitakirtlar eru fyrir aftan eyrun og þegar bakteríur og sviti blandast getur myndast lykt.