Nýlegar rannsóknir hafa leitt í ljós að börn sem fæðast án heilastofns geta þróað eðlilega heilastarfsemi þó svo að aðaltenginguna milli heilahelminganna tveggja vanti.
Vísindamenn við háskólann í Genf í Sviss notuðu tölvusneiðmynd af heila til að bera saman heilastarfsemina í 29 heilbrigðum börnum annars vegar og börnum hins vegar sem fædd eru með það sem kallast AgCC, þ.e. eru fædd án heilastofns.
Heilastofninn (gult) er hluti af svokölluðu hvítu efni heilans. Hann samanstendur af taugatengingum sem tengja saman hin ólíku svæði í heilaberkinum.
Þessi vöntun á heilastofni leiðir í sumum tilvikum til skertrar greindar í börnum en þetta á alls ekki við um þau öll. Alls 75% þessara barna voru með eðlilega greind.
Tölvusneiðmynd af heila leiddi í ljós að börn sem fæðast án heilastofns mynda aukalegar tengingar innan beggja heilahelminga. Það vakti furðu að helmingarnir tveir gátu starfað saman þó svo að heilastofninn vantaði.
Að öllu jöfnu myndar heilastofninn tengslin milli heilahelminganna tveggja (t.v.). Börn sem fæðast án heilastofns (t.h.) mynda þess í stað aukalegar tengingar í báðum helmingum.
Vísindamennirnir telja að börnin hljóti að vera fær um að mynda öðruvísi boðleiðir þvert yfir heilann og að þessar leiðir, svo og aukalegu tengingarnar í hvorum heilahelmingi, gegni hlutverki heilastofnsins sem vantar.
Mikilvæg vitneskja fyrir þungaðar konur
Sjá má í ómskoðun hvort heilastofn vantar í fóstur og sumir verðandi foreldrar velja að láta eyða fóstri þegar sú er raunin.
Vísindamenn binda vonir við að tölvusneiðmyndir af heila fóstra eigi eftir að gera kleift að sjá fyrir um hvort heilinn geti myndað þær tengingar sem nauðsynlegar eru í stað heilastofns, til þess að foreldrarnir geti tekið meðvitaða ákvörðun um hvort rjúfa eigi meðgönguna eður ei.
