Sumir sofa í raun með annað augað opið eða jafnvel bæði en vísindamenn líta á þetta sem sjúkdóm sem getur leitt til bæði svefnvandamála og skemmda á hornhimnu. Lokuð augu í svefni koma í veg fyrir örvun sjóntaugar og að heilinn verði fyrir truflunum sem gætu valdið svefnleysi.
En augnlokin vernda augun líka gegn þurrki og aðskotahlutum eins og skordýrum, hári og ryki. Erfiðleikar með að loka augunum í svefni geta verið tímabundnir og gætu tengst svefnvandamálum. Ef þú sefur illa og of lítið í einhvern tíma er meiri hætta á að þú sofir með opin augu og vaknir þannig með þurr augu.
Þetta er raunverulegur sjúkdómur sem kallast lagophthalmos sem stafar af galla í taugum sem stjórna augnlokunum. Þetta er oft arfgengur sjúkdómur en getur líka verið aukaverkun hrukkumeðferða með botox. Þriðja orsök er bráð áfengiseitrun.
