Um halastjörnuna C/2022 E3 (ZTF)
Veturinn 2023 áttu góða möguleika á að sjá halastjörnuna C/2022 E3 (ZTF) – í fyrsta og eina skiptið á ævinni. Þegar halastjarnan hefur farið fram hjá mun hún fyrst gera sér ferð fram hjá hinu svokallaða Oort-skýi, svæði í ysta hluta sólkerfisins, áður en hún mun, eftir u.þ.b. 50.000 ár, snúa aftur til jarðar á ný.
Halastjarnan fannst fyrir tæpu ári, þann 2. mars síðastliðinn 2022. Á þeim tíma var hún fjórum sinnum lengra frá sólinni en jörðin og leit bara út eins og dauf stjarna. En þegar rannsakendur fylgdust með himintunglunum kom fljótlega í ljós að hún ferðaðist of hratt til að geta verið stjarna.
Með því að greina ítarlega myndir úr sjónaukum komust stjörnufræðingarnir að þeirri niðurstöðu að um halastjörnu væri að ræða sem væri á leið frá ystu brún sólkerfisins.
Halastjarnan hefur heimsótt aðrar plánetur
Á síðasta áfanga gríðarlega langrar ferðar til jarðar hefur halastjarnan C/2022 E3 (ZTF) farið fram hjá fjölda reikistjarna sólkerfisins.
Satúrnus
Í mars 2020 ferðaðist C/2022 E3 (ZTF) tiltölulega nálægt næst stærstu plánetu sólkerfisins, Satúrnusi.
Júpíter
Í október 2021 fór halastjarnan fram hjá braut Júpíters en langt fyrir ofan brautir sólkerfisins og plánetunnar miklu.
Mars og Jörðin
Í febrúar 2023 mun C/2022 E3 (ZTF) lækka á braut og fara í gegnum braut sólkerfisins á milli brauta jarðar og Mars.
Halastjörnuna C/2022 E3 (ZTF) verður líklega auðvelt að koma auga á með venjulegum sjónauka og gæti jafnvel líka verið sýnileg með berum augum. Þegar hún er næst jörðu verður halastjarnan í 42,5 milljón kílómetra fjarlægð – nær en nágrannareikistjarnan okkar Mars.
Eftir að C/2022 E3 (ZTF) hefur farið í hring um innra sólkerfið, ferðast hún á u.þ.b. 37 km/s í átt frá sólu þar til hún nær öðrum snúningspunkti sínum u.þ.b. 420 milljarða kílómetra frá okkur.
Hvar og hvenær?
C/2022 E3 (ZTF) er næst okkur 1. febrúar en þú átt meiri möguleika á að sjá hana á nýju tungli 20. febrúar þegar birta tunglsins truflar ekki.
Hægt verður að sjá hana frekar hátt á lofti milli Litla- og Stórabjarnar
Finndu stað án ljósmengunar. Þú gætir mögulega séð halastjörnuna með berum augum en notaðu annars sjónauka. Hallaðu sjónaukanum að einhverju stöðugu og leitaðu að björtum hlut með glóandi hala.
