Ný skýrsla frá alþjóðaveðurstofnuninni WMO og evrópsku loftslagsstofnuninni Copernicus Climate Change Service sýnir að hitastig í Evrópu hefur hækkað tvöfalt á við heimsmeðaltalið á síðustu 30 árum.
„Í Evrópu sjáum við skýrt hvernig heimurinn hlýnar og þetta minnir okkur á að jafnvel vel undirbúin samfélög eru ekki örugg fyrir öfgum í veðurfari,“ segir aðalritari WMO, Petteri Taalas.
Bitnar á hálfri milljón
Samkvæmt skýrslunni hefur hitastig í Evrópu hækkað afar greinilega í Evrópu og að meðaltali um hálfa gráður á áratug á árabilinu 1991-2021.
Til samanburðar hækkar meðalhiti á hnettinum um 0,2 gráður á áratug samkvæmt skýrslum loftslagsnefndar Sameinuðu þjóðanna.
Í júlí 2022 gáfu breskir veðurfræðingar út svokallaða rauða viðvörun þar sem varað var við allt að 40 gráðu hita. Á sama tíma var Hammersmith brú í London vafin inn í filmu til að forðast bráðnun og flugbrautum var lokað vegna yfirborðsskemmda.
Þótt Evrópuríkin ráði yfir betri tækni en flest önnur ríki, eru afleiðingarnar verulegar, t.d. að því er varðar kerfi til að vara íbúa við flóðum með góðum fyrirvara.
Vísindamennir sem unnu skýrsluna, segja öfgakennd veðurfyrirbrigði einungis á árinu 2021 hafa bitnað á meira en hálfri milljón manna í Evrópu og valdið hundruðum dauðsfalla. Um 84% veðuröfganna fólust í flóðum og stormveðrum.
Ekki bara slæmar fréttir
Í skýrslunni er þó fleira að finna en ótíðindi. Allnokkrum Evrópuríkjum hefur tekist að draga úr losun gróðuhúsalofttegunda. Sérstaklega innan ESB, þar sem losun gróðurhúsalofttegunda hefur minnkað um 31% milli áranna 1990 og 2020 og markmið um að minnsta kosti 55% minnkun fyrir árið 2030.
Að auki eru Evrópulöndin leiðandi í viðvörunarkerfum sem ná til 75% íbúa landanna. En áskoranirnar eru gríðarlegar, að sögn vísindamannanna.
“Hin góða þróun við að draga úr losun gróðurhúsalofttegunda á svæðinu verður að halda áfram og bæta enn frekar við. Evrópa getur gegnt lykilhlutverki í því að ná kolefnishlutlausu samfélagi fyrir miðja öldina til að uppfylla skilyrði Parísarsamkomulagsins,” segir frá Petteri Taalas.
