Áhöfnin um borð í breska kafbátnum HMS Trident fékk árið 1941 óvenjulega gjöf.
Í heimsókn í sovésku hafnarborginni Murmansk heiðraði rússneskur herforingi hana með nokkurra mánaða gömlum hreindýrskálfi.
Ekki kom til greina að afþakka gjöfina og Sladen kafbátsforingi varð að troða dýrinu – ásamt tunnu af mosa – inn um tundurskeytarör.
Kafbáturinn HMS Trident var með pláss fyrir 59 manns – og á tímabili fyrir einn soltinn hreindýrskálf.
Pollyanna, eins og dýrið var nefnt, náði skjótt áttum og hélt gjarnan til í káetu foringjans.
Þar kom að mosinn varð uppurinn og Pollyanna lifði á ýmsum matarafgöngum áhafnarinnar. Sísoltið dýrið gæddi sér einnig á þurrmjólk og át auk þess nokkur sjókort.
Þegar kafbáturinn kom til Englands sex vikum síðar var Pollyanna orðin svo stríðalin að ekki reyndist unnt að koma henni út um tundurskeytaopið. Þess í stað var kálfurinn hífður upp á bryggju gegnum aðallúguna. Þar var Pollyanna síðan skráð af kafbátnum og endaði ævi sína í dýragarði
