Sviti gagnast líkamanum við að hafa hemil á hitastiginu og því þykir aðeins ráðlegt að þurrka svitann, t.d. af enninu og öðrum hlutum líkamans, ef svitinn bogar af okkur.
Annars heftum við nefnilega kælandi áhrifin, en sviti gagnast okkur með því að mynda þunnt rakalag á húðinni, þaðan sem vökvinn gufar upp.
Uppgufun eyðir meiri orku í að knýja umbreytinguna úr vökva yfir í vatnsgufu og orkan er sótt í umframhita líkamans. Ferli þetta er svo afkastamikið að hvert gramm af svita eyðir 2,427 joule (J) þegar hann gufar upp.
Líkaminn framleiðir tvær tegundir af svita
Sviti á enni
Flestir svitakirtlar líkamans, m.a. á höndum og enni, eru svokallaðir fráseytnir svitakirtlar. Svitinn sem stafar frá þessum stöðum er nánast hreint vatn með örlitlu salti.
Menn í skyrtum svitna
Í handarkrikum, við nára og umhverfis naflann, er að finna svokallaða toppseytna svitakirtla, sem skilja eftir sig þykkt, lyktandi svitaseyti með fitu- og úrgangsefnum í.
Sviti gegnir mörgum hlutverkum
Sviti hefur einnig öðrum hlutverkum að gegna en einvörðungu að vera hitastillandi, en sem dæmi losar líkaminn sig við ýmis efni með svita.
Í kínverskri rannsókn, sem gerð var árið 2016, kom jafnframt í ljós að líkaminn notar svitaholur til að losa sig við þungmálma á borð við kvikasilfur.
Sviti á að sama skapi þátt í að halda húðinni heilbrigðri og bakteríumagninu í lágmarki.
