250 árum á undan Paris Hilton og Kim Kardashian áttaði Catherine „Kitty“ Fisher sig á því að fallegt útlit og umtal dygði til að ná velgengni.
Kitty þoldi ekki starf sitt við hattagerð og mjakaði sér markvisst inn í high society Lundúnaborgar.
Þessu næst eignaðist hún hvern elskhugann á fætur öðrum og gætti þess að upplýsa stöðugt fjölmiðla um afrek sín.
Margir listamenn máluðu portrett af Kitty Fisher – hér með ketti (Kitty) og fiskum (Fisher).
Þegar Kitty féll árið 1759 af hestbaki og í ljós kom að hún var í engum nærfötum, notfærði hún sér uppnámið til að verða máluð af helstu listamönnum þess tíma.
Teikningin af falli Kittýjar og mönnum að nálgast, varð fljótt vinsæl og hún var ekki sein að nýta sér umtalið.
Kitty hagnaðist síðan á því að selja koparstungur af sjálfri sér. Þannig var hún fyrsta konan í sögunni sem varð einvörðungu fræg fyrir að vera fræg.
