Þegar hin 19 ára Maria Luigia Mezzanroza fékk fæðingarhríðir um morguninn 4. október árið 1877, datt engum í hug að afkomendur hennar yrðu heimsfrægir næstu 20 árin.
Því tvíburarnir Giacomo og Giovanni Babtista voru frekar óvenjulegir. Þeir voru með tvö höfuð og fjórar hendur, einn líkama og aðeins eitt sett fótleggja.
Bræðurnir Giacomo og Giovanni Tocci höfðu sameiginlegan líkama frá nafla og niður en lifðu sem tveir einstaklingar.
Á 17. öld höfðu flestir læknar mikinn áhuga á líffærafræði. Vansköpun var mikið rannsökuð, allt frá tvíhöfða kjúklingum til sexfættra kálfa og síamstvíbura – mest heillandi og ógnvekjandi af þessu öllu.
Óskipt egg ástæðan fyrir vansköpuninni
Síamstvíburar er öfgafullt form eineggja tvíbura. Þetta gerist þegar egg sem ætti að hafa skipt sér í tvo aðskipta hluti, hefur af einhverjum ástæðum ekki skipt sér fullkomlega. Niðurstaðan er því tvö börn sem eru vaxin saman eða hafa meira og minna sömu líffæri.
Hvorki Maria né maðurinn hennar, Giovanni Tocci, höfðu mikinn áhuga á læknisfræðilegum þáttum barna þeirra. Þau sáu frekar möguleikana á að græða peninga á þeim.
Voru til sýnis í Torino
Tvíburarnir voru aðeins um mánaðar gamlir þegar Giovanni fór með þá til Torino í því skini að sýna þá. Þar voru þeir í fyrsta sinn rannsakaðir af læknum, tveimur prófessorum frá læknadeild háskólans í Torino. Eftir að hafa greitt rétt verð komust þeir að því að tvíburarnir höfðu hvor um sig hjarta og lungu.
Seinni skoðanir sýndu fram á að þeir höfðu hvor sinn maga en sameiginlega þarma, sameiginleg kynfæri og eitt þarmaop.
Greinin heldur áfram undir myndinni.
Foreldrar Tocci tvíburana markaðssettu og voru með sýningar á sonum sínum. Á árunum 1877 til ársins 1897 höfðu foreldrarnir góðar tekjur af „tvíhöfða drengnum“ sínum.
Drógu sig úr sviðsljósinu og eignuðust fjölskyldu
Næstu 20 árin ferðuðust foreldrar þeirra um alla Evrópu og Bandaríkin með Tocci- tvíburana. Strákarnir þénuðu mikið en þegar þeir náðu tvítugsaldri höfðu þeir fengið nóg af þessum sýningum.
Þeir keyptu hús í Feneyjum og drógu sig svo mikið úr sviðsljósinu að ekki er vitað með óyggjandi hætti hvað varð um þá eða hvenær þeir létust.
Þeir eiga þó að hafa gifst – sitt hvorri konunni og eignast með þeim börn.
