HÁÞRÓUÐ MENNINGARSAMFÉLÖG KUNNA AÐ VERA SEM GUÐIR
Geimverurnar kunna að virka eins og guðir fyrir okkur hafi þær haft langtum meiri tíma til að þróa tækni sína.
Greindar verur á öðrum plánetum kunna að líta allt öðruvísi út en við getum ímyndað okkur.
Líkaminn gæti verið hávaxnari vegna minni þyngdarafls og þær kunna einnig að búa yfir annars konar eiginleikum en við, t.d. innrauðri sjón eða rafskynjun.
Hafi geimverurnar þróað tækni yfir þúsundir ára geta þær nánast verið eins og guðir, segir stjarnfræðingurinn Avi Loeb.
LOFTSTEINAR GÆTU HAFA DREIFT LÍFI UM ALLAN ALHEIM
Bakteríur og aðrar örverur kunna að hafa dreifst út um allan geim með loftsteinum
Líf í geimnum kann að líkjast örverum sem lifa hér á jörðu. Japönsk rannsókn um borð í alþjóðlegu geimstöðinni hefur sýnt að örverur geta lifað af öfgafullan fimbulkulda geimsins, geislun og lofttæmi í minnst eitt ár.
Örverurnar geta lifað af því ysta lag einstaklinga sem deyr á leiðinni ver einstaklinga innar í klasanum.
Nú eru vísindamenn að rannsaka örsmáa loftsteina í leit að lifandi örverum. Það myndi renna stoðum undir kenninguna um að lífverur hafi dreifst út um allan alheim með t.d. loftsteinum.
RÆKJUR OG FISKAR SYNDA Á ÍSHNÖTTUM
Vísindamenn hafa fundið hér á jörðu rækjur á 4.900 metra dýpi. Fræðilega kann að finnast sambærilegt líf í geimnum.
Íshnettir kunna að hýsa syndandi líf undir yfirborði sínu.
Í okkar sólkerfi er t.d. Júpítertunglið Evrópa hátt á lista vísindamanna yfir möguleg heimkynni lífs. Þrátt fyrir að Evrópa sé hulin ís finnst fljótandi haf undir honum.
Á jörðu kann líf að hafa myndast á hafsbotni í kringum hverastrýtur þar sem eldvirkni hefur hitað vatnið og skapað góð skilyrði fyrir amínósýrur – byggingarsteina prótína. Ef frosnir heimar eins og Evrópa eru með eldvirkni undir hafsbotni gæti líf hafa kviknað.
NASA hefur rannsakað hverastrýtur á 4.900 metra dýpi á jörðu og fundið þar rækjur. Það bendir til að jafnvel undir öfgafyllstu aðstæðum er að finna líf sem hefur þróast frá örverum.
Því telja vísindamenn að við gætum fundið líf eins og rækjur, fiska og kolkrabba undir yfirborði frosinna hnatta.
BESSADÝR STANDAST ÍTRUSTU PRÓF GEIMSINS
Bessadýr geta þolað skaðlega geislun í geimnum og því kunnum við að rekast á einhverjar slíkar verur.
Bessadýr eru allt að um 1 mm löng og geta þolað hitastig allt að 150°C og niður í næstum -273,15°C sem er alkul.
Þau þola einnig mikla geislavirkni og geta jafnvel spjarað sig í tómarúmi geimsins.
Vísindamenn hafa komist að því að prótínið DSUP ver DNA dýrsins gegn m.a. skaðlegri geislun. Þetta gerir bessadýrin að góðum kandídötum fyrir geimverur sem við kunnum að rekast á.
Bessadýr geta þolað áratugi án vatns og fæðu þegar þau leggjast í dvala og minnka efnaskiptin niður í minna en 0,01% af því sem venjulegt er.
