Fullkomlega tómt rými er hvergi til, hvorki á jörðinni né úti í geimnum. Jafnvel milli sólkerfa er örþunnt ský rafhlaðinna einda.

Tómleikinn er mældur í einingum sem kallast torr. Venjulegur loftþrýstingur hér á jörð er 760 torr en í rannsóknastofum hafa menn komist niður í 10^-14 torr.

Til samanburðar er þrýstingur í ljósaperu 10^-4 torr en í myndlampa t.d. í gömlu sjónvarpstæki einungis 10^-9 torr.

Í útgeimnum milli stjarna er þrýstingurinn talinn vera á milli 10^-14 og 10^-19 torr. Þegar komið er niður í 10^-14 torr er fjöldi sameinda í hverjum rúmsentimetra aðeins nokkur þúsund en við venjulegar aðstæður á jörðinni skipta sameindirnar trilljörðum.

Við lofttæmingu er notað loftþétt hólf og dæla sem getur dælt bæði lofti og vatnsgufu út. Oft eru notaðar margar samtengdar pumpur og mjög vönduð lofttæming getur tekið daga.