Þegar bylgjur brotna á strönd eða skerjum blandast loft við vatnið og sjórinn freyðir.

Froðan er í rauninni bara loftbólur með þunnri vatnshimnu og froðan sýnist hvít vegna þess að ljósið endurkastast af vatnshimnunni án þess að brotna niður í liti.

Froðuþörungurinn Phaeocystis getur þó líka átt þátt í hvíta litnum. Þörungurinn er umlukinn prótínríkri, hlaupkenndri himnu sem brotnar í smátt og verður að froðu í brimrótinu.

Öfugt við sjávarlöðrið sem fellur saman og hverfur á skömmum tíma, liggur þörungafroðan lengi kyrr á ströndinni. Aðrir þörungar geta litað froðuna gula eða brúna.

En það gildir líka þegar maður hellir gosdrykk í glas eða setur t.d. litaða löðursápu í baðvatn, að froðan verður ljós að lit. Þetta stafar sömuleiðis af því að vatnshimnur endurkasta ljósinu sem er jú oftast hvítt.

Ef þú ferð í freyðibað eða drekkur bjórglas í herbergi með rauðri lýsingu virðist froðan líka rauðleit, því þá er það rauða ljósið sem endurkastast.