Vísindamenn hafa ekki rannsakað hvernig á að borða sem mest um jólin. En með því að misnota rannsóknir næringarfræðinga (sem væru líklega ekki ánægðir með það) er hægt að nýta sér nokkrar einfaldar þumalputtareglur.
Rannsóknir hafa til dæmis sýnt fram á hvaða matur er mest mettandi. Þannig að þú verður annað hvort að halda þig fjarri þeim eða borða þann mat í lokin.
Mikilvægt væri að forðast trefjarík matvæli eins og hrátt grænmeti og heilkorn. Trefjar hafa tilhneigingu til að fylla magann vegna þess að þær draga í sig vökva.
Geymdu feitan mat þar til í lokin
Drykkir hafa líka þá ,,leiðinlegu” tilhneigingu til að fylla í magann og fjarlægja hungurtilfinninguna. En vökvi aðstoðar þarmakerfinu að tæma magann og því er mikilvægt að finna jafnvægið.
Næringarfræðingar hafa sýnt fram á að sum matvæli metta meira og lengur en önnur. Kolvetni, til dæmis úr brúnum kartöflum hverfa úr maganum á aðeins 30 til 90 mínútum.
Prótein t.a.m. í kjöti losar aftur á móti um ensími og hormóna sem skapa þunga og langvarandi mettunartilfinningu. Hamborgarhrygginn, hangikjötið eða nautasteikina ætti því að neyta í lok jólamáltíðarinnar til að hámarka matargræðgina.
Jólaát krefst góðrar skipulagningar
Ef þú ert staðráðinn í að fá í þig eins margar hitaeiningar og mögulegt er verður þú að gera áætlun og fylgja henni vel eftir.
1. Létt fasta hámarkar hungur
Borðaðu morgunmat og hádegismat eins og venjulega, en forðastu snarl og millimáltíðir yfir daginn. Ef þú hefur möguleika á góðri klukkutíma hreyfingu hjálpar það til við að auka hungurtilfinninguna.
2. Geymdu sósuna og kjötið þar til í lokin
Til þess að mettast ekki of fljótt er gott borða matinn í réttri röð. Byrjaðu á soðna grænmetinu eins og kartöflum og rauðkáli, haltu þig frá hráu grænmeti og heilkorni og endaðu á sósunni og kjötinu.
3. Hreyfing auðveldar meltinguna
Ef kvöldmaturinn varir í nokkra klukkutíma skaltu drekka vökva og hreyfa þig til dæmis með að dansa í kringum tréð. Vökvinn og hreyfinginn flytja matinn frá maga og í þarmakerfið og skapa þannig endurnýjað rými.
