Auk Biblíunnar geta ýmsir rómverskir sagnaritarar um Jesús.
T.d. segir Tacitus (56-120 e.Kr.) í riti sínu Annales, að kristnir dragi nafn af „Kristi, sem landsstjóri Tíberíusar keisara, Pontíus Pílatus, lét taka af lífi.“
Umtalsverðar lýsingar
Josefus (um 37-100 e.Kr.) nefnir Jesú á tveimur stöðum í 20 binda ritverki sínu, Antiquitates Judaicae. Í 20. bindi nefnir hann Jakob sem var „bróðir Jesú, sem kallaður var Kristus.“
Nákvæmustu lýsinguna er þó að finna í 18. bindi þar sem Jesús er kallaður „vitur maður“, sem vann „undursamleg verk“.
Josefus skrifaði líka um krossfestingu Jesú og upprisu hans „á þriðja degi eins og hinir guðdómlegu spámenn höfðu sagt fyrir.“
Eining um krossfestinguna
Umsögnin í 18. bindi er þó mjög umdeild og sumir sagnfræðingar telja að kristnir menn hafi síðar umskrifað þessa lýsingu.
En á grundvelli ritaðra heimilda eru því sem næst allir sagnfræðingar sammála um að Jesús hafi verið uppi fyrir um 2.000 árum þar sem nú er Ísrael.
Menn eru líka sammála um að hann hafi verið trúarleiðtogi og tekinn af lífi með krossfestingu.
Falsaðir minjagripir seldust fyrir ófafé
Á miðöldum varð ekki þverfótað fyrir kristnum minjagripum í Evrópu og svindlarar græddu á tá og fingri á „helgigripum“ sem sagðir voru hafa tilheyrt Jesú.
Hér eru dæmi um slíka gripi:
Sagnfræðingar eru sammála um að Jesús hafi verið tekinn af lífi fyrir um 2.000 árum.
Litlar flísar úr krossinum gengu kaupum og sölum, en að sögn guðfræðingsins Jean Calvin hefðu þær að samanlögðu verið heill skipsfarmur.
Naglar, sem sagðir eru hafa verið notaðir við krossfestinguna, eru til í a.m.k. 30 evrópskum kirkjum.
Forhúðin af Jesú var til í sex kirkjum á 18. öld og á öðrum tímum hafa 16 forhúðir verið í umferð.
Spjótið sem stungið var í síðu Jesú á krossinum var til í a.m.k. fjórum útgáfum á 16. öld.
Á 13. öld átti Lúðvík 9. þrjár þyrnikórónur sem allar áttu að vera sú sem Jesús bar. Konungurinn viðurkenndi aldrei að hann hefði verið plataður.
Sagnfræðingar eru sammála um að Jesús hafi verið tekinn af lífi fyrir um 2.000 árum.
Litlar flísar úr krossinum gengu kaupum og sölum, en að sögn guðfræðingsins Jean Calvin hefðu þær að samanlögðu verið heill skipsfarmur.
Naglar, sem sagðir eru hafa verið notaðir við krossfestinguna, eru til í a.m.k. 30 evrópskum kirkjum.
Forhúðin af Jesú var til í sex kirkjum á 18. öld og á öðrum tímum hafa 16 forhúðir verið í umferð.
Spjótið sem stungið var í síðu Jesú á krossinum var til í a.m.k. fjórum útgáfum á 16. öld.
Á 13. öld átti Lúðvík 9. þrjár þyrnikórónur sem allar áttu að vera sú sem Jesús bar. Konungurinn viðurkenndi aldrei að hann hefði verið plataður.
Þannig leit Jesús út
Hvorki Biblían né aðrar heimildir lýsa því hvernig Jesús leit út.
Fornleifar sýna hins vegar að á þessum tíma hafa karlmenn almennt verið um 160 sm á hæð og um 50 kg.
Eins og aðrir karlmenn í Mið-Austurlöndum var Jesús trúlega nokkuð dökkur á hörund, með dökkt hár og stutt, hrokkið skegg.
![](https://visindi.is/wp-content/uploads/2023/04/Jesus-ansigt.jpg)