Hvenær hófst hið íslamska tímatal?

Fyrir 1400 árum þurfti Múhameð og lítill hópur fylgjenda hans að flýja heimili sín í Mekka. Sá atburður er upphafið að nýju tímatali.

BIRT: 11/08/2022

LESTÍMI:

2 mínútur
Share on facebook

Íslamska tímatalið hófst 16. júlí 622 e.Kr., þegar Múhameð spámaður og fylgjendur hans yfirgáfu Mekka og héldu til Medínu til að komast undan trúarofsóknum.

 

Fyrir landflóttann hafði Múhameð í u.þ.b. áratug fengið röð opinberana og  lítill hópur farinn að fylgja honum.

 

En Múhameð og nýja trú hans voru þyrnir í augum öflugra ættibálka í Mekka og því hélt Múhameð til Medínu, þar sem hann settist að og stofnaði fyrsta múslimasamfélagið.

 

Nýtt dagatal múslima

Íslamska dagatalið var sett á laggirnar árið 638 af kalífanum Umar, sem var bæði tengdafaðir Múhameðs og leiðtogi múslima eftir dauða spámannsins.

 

Samkvæmt sögusögn einni kvartaði embættismaður kalífans yfir því að hann ætti erfitt með sumar skipanir kalífans því þær væru ekki dagsettar.

 

Fram til þessa höfðu Arabar nefnt hvert ár – til dæmis Ár jarðskjálftans – eftir mikilvægustu atburðum ársins. En eftir að hafa ráðfært sig við ráðgjafa sína ákvað kalífinn að kynna dagatal með árum – sem hófst með brottför Múhameðs frá Mekka.

Íslamska tímatalið fylgir ferðum tunglsins og er eitt ár því aðeins 353-355 dagar.

Múslimaárið er styttra

Hið nýja tímatal kalífans var svokallað tungldagatal þar sem 12 mánuðir ársins fylgja ferðum tunglsins. Í gregoríska tímatalinu sem notað er á Vesturlöndum fylgir tímatalið þess í stað braut jarðar um sólina.

 

Þetta þýðir að mánuðir í íslamska dagatalinu eru 29-30 dagar og að eitt ár er því bara 353-355 dagar.

 

Af sömu ástæðu fylgir árið ekki árstíðum og mörg múslimska lönd nota einfaldlega íslamska dagatalið til að tímasetja trúarhátíðir – til dæmis Ramadan – á meðan gregoríska dagatalið er notað fyrir daglegt líf.

BIRT: 11/08/2022

HÖFUNDUR: Emrah Sütcü

HÖFUNDARÉTTUR MYNDA: © Meshari Bin Khunayn

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is