Hve mikið hækkar sjórinn ef allur ísinn bráðnar?

BIRT: 04/11/2014

LESTÍMI:

< 1 mínútur
Share on facebook

Í loftslagsfræðilegu samhengi er íshellum hnattarins oft skipt í þrennt. Langmestur hluti alls íss á jörðinni er bundinn við suðurskautið.

 

Næststærsta íshellan er Grænlandsjökull, sem þó er ekki nema svo sem tíundi hluti í samjöfnuði við suðurskautsísinn.

 

Í þriðja lagi eru svo allir aðrir jöklar og ísbreiður víðs vegar um heim, en þetta er reyndar afar lítill hluti alls íssins.

 

Ef allur ís bráðnaði myndi stór hluti Suðurskautslandsins fara undir vatn og þetta þarf að draga frá þegar sjávarhækkun er reiknuð.

 

Vatnið sem bundið er í íshellum á floti kringum Suðurskautslandið þarf líka að draga frá, því þær ryðja nú þegar frá sér jafn miklu vatni og í þeim er að finna – samkvæmt lögmáli Arkímedesar.

 

Á grundvelli þessara staðreynda hafa sérfræðingar reiknað út að ísinn við suðurskautið myndi hækka vatnsborð heimshafanna um 61 metra, Grænlandsjökull um 7,2 metra en annar ís á jörðinni myndi svo bæta við svo sem einum metra.

 

Til samanburðar má geta þess að á síðustu ísöld, þegar íshellur huldu stór landsvæði norðarlega á hnettinum, er talið að sjávarborð hafi verið um 100 metrum lægra en nú.

 

Samanlagt hefur hækkun sjávarmáls aðeins að litlu leyti stafað af bráðnun íss.

 

Meginástæðan er sú að hækkað hitastig hefur valdið útþenslu vatnsins í höfunum.

 

Afleiðingar fyrir Evrópu

 
Ef íshellurnar þrjár bráðnuðu myndi vatn ekki hækka jafnt alls staðar í heiminum.
 
Vegna gríðarlegrar þyngdar íshellanna sem færir til þyngdarsvið Jarðar myndi vatn frá Grænlandi renna í suðurhluta Kyrrahafs en ís sem bráðnar á Suðurskautslandinu myndi hækka sjávarborðið í kring um Evrópu og Norður- Ameríku.
 
Samkvæmt loftlagsnefnd Sameinuðu þjóðanna þarf hitinn aðeins hækka um eina til fjórar gráður til að Grænlandsjökull bráðni allur á aðeins 1000 árum.
 
 
 

BIRT: 04/11/2014

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is