Flest skólabörn geta frætt þig um þroska froskdýra.
Egg verða að halakörtum og halakörturnar verða að fullvöxnum körtum.
En nú gæti þessi saga breyst.
Fjölþjóðlegur rannsóknarhópur undir forystu Mark D. Scherz, dósents hjá Kaupmannahafnarháskóla, hefur nefnilega gert athyglisverða uppgötvun hjá þremur nýjum körtutegundum.
Þessar þrjár nýju tegundir fundust í Tansaníu.
Kvenkörturnar verpa ekki eggjum sem klekjast út í halakörtur, heldur ganga þær með afkvæmin í líkamanum og fæða þau fullþroskuð.
Þetta gerir körturnar að einni af fáum froskdýrategundum sem fæða lifandi afkvæmi.
„Að fæða lifandi afkvæmi er afar sjaldgæft meðal froska og karta og þekkist hjá innan við einu prósenti froskategunda sem gerir þessar nýju tegundir óvenju áhugaverðar,“ segir H. Christoph Liedtke, einn af vísindamönnunum sem stóðu að rannsókninni í fréttatilkynningu.
Nýju körtutegundirnar tilheyra ættkvíslinni Nectophrynoides luhomeroensis.
Árið 1905 kynnti þýskur vísindamaður uppgötvun körtu í Tansaníu sem fæddi lifandi afkvæmi. Sýni af þessari gömlu körtutegund hefur verið varðveitt og DNA úr henni var notað í greiningarvinnunni við að bera kennsl á þessar þrjár nýju tegundir.
Við rannsóknina notaði hópurinn alls 257 gamlar körtur sem varðveittar eru í Kaupmannahöfn, London, Berlín, Genf og Trento.
Þessar þrjár nýju körtur fundust í hæðóttu skógarsvæði þar sem lítið er um kyrrstætt vatn sem annars er kjörinn staður fyrir halakörtu til að vaxa úr grasi.
Það virðist sennilegasta ástæða þess að körturnar hafa breytt æxlunarstefnu sinni.
Mörgum af þessum lifandi fæddu afkvæmum stendur ógn af skógareyðingu, námugreftri og loftslagsbreytingum.
Þessi nýja þekking getur skipt sköpum fyrir framtíðar verndunaraðgerðir.
Rannsóknir birtist í Vertebrate Zoology.
