Botn heimshafanna er þakinn sæstrengjum sem tengja saman heimsálfurnar.
Um 600 sæstrengir með samanlagðri lengd upp á 1,8 milljónir kílómetra sjá til þess að alþjóðleg gagnanet, þar á meðal netið, virki.
Á miklu dýpi úti á miðjum úthöfum liggja strengirnir yfirleitt óvarðir á hafsbotninum þar sem lítil hætta er á að þeir skemmist.
Á grynnra vatni – þ.e. á allt að þúsund metra dýpi – hefur færst í vöxt að grafa strengina niður til að koma í veg fyrir að þeir slitni vegna akkerisfesta eða af botnvörpum fiskiskipa.
Nútímastrengir flytja gögn um ljósleiðara sem hafa gríðarlega mikla flutningsgetu. Þess vegna þurfa strengirnir ekki að vera þykkari en garðslanga. Á grynnra dýpi eru strengirnir þó yfirleitt aðeins þykkari þar sem þeir eru sérstaklega varðir með aukalagi yst.
Á miklu dýpi verða strengir mjög sjaldan fyrir skemmdum og liggja því ósnertir allan líftíma sinn sem er um 25 ár. Að sögn samtakanna „International Cable Protection Committee“ er aðeins tilkynnt um rof á djúpsjávarstrengjum þrisvar til fjórum sinnum á ári.
Grafnir niður
Á grynnra vatni gerist það aftur á móti um 200 sinnum á ári.
Í flestum tilfellum eru það fiskveiðar sem valda rofinu og þar á eftir koma akkeri sem næstalgengasta orsökin. Mannleg umsvif eru því meiri ógn við strengina en til dæmis stormar og jarðskjálftar.
Árið 1855 ákvað Cyrus Fields at tengja Bandaríkin og Evrópu saman með 3.200 km löngum ritsímastreng. Bandaríkjamaðurinn hafði alls enga þekkingu á ritsíma og sæstrengjum, en þökk sé áköfum áhuga og elju hans tókst honum að framkvæma hið ómögulega:
Botnvörpur fiskiskipa eru þyngdar með járnkúlum eða jafnvel keflum sem geta grafist meira en hálfan metra niður í mjúkan hafsbotn og þar með ógnað sæstrengjunum.
Þar sem botnvörpur eru notaðar á sífellt meira dýpi gæti í framtíðinni orðið nauðsynlegt að grafa strengina niður á fleiri köflum en áður, til dæmis niður fyrir 1.500 metra.
Kapallinn er plægður niður í hafsbotninn
Á grunnsævi er algengt að grafa sæstrengi 1–3 metra niður í hafsbotninn. Þannig eru þeir varðir fyrir m.a. skipaakkerum og fiskitrollum.
