Margir líta á þetta sem hreina tilviljun – eins og að kasta peningi. Þannig telja flestir að kyn barns sé ákveðið.
En vísindamenn frá Harvard T.H. Chan School of Public Health ákváðu að kanna hvort það væri í raun svo, eða hvort hægt væri að greina ákveðin mynstur sem gætu hjálpað til við að spá fyrir um kyn næsta barns.
Með því að fylgjast með um 58.000 konum kom í ljós að bæði aldur móður og kyn eldri barna geta haft áhrif á kynið.
Niðurstöðurnar birtust í vísindatímaritinu Science Advances.
Bæði aldur og eldri systkini geta haft áhrif á kyn næsta barns
Ýmsar mýtur eru til um hvernig megi giska á kyn barns.
En þessi rannsókn, sem byggir á 146.064 meðgöngum frá árunum 1956 til 2015, gefur skýrari vísindalega mynd.
Í ljós kom að fjölskyldur sem þegar eiga nokkur börn af sama kyni eru líklegri til að eignast annað barn af sama kyni.
Til dæmis eru um 61% líkur á að fjórða barn verði drengur ef fyrstu þrjú eru drengir. Ef fyrstu þrjú eru stúlkur eru líkurnar um 58% á að næsta barn verði einnig stúlka.
En aldur móður við fyrstu fæðingu virðist einnig hafa áhrif.
Nýlegar rannsóknir hafa leitt í ljós að foreldrar ættu að spara reiðilegu orðin. Ekki er aðeins hætt við að börnin eigi eftir að þjást af geðrænum kvillum fyrir vikið, heldur minnka heilar þeirra að sama skapi. Hér má lesa vísindalegar leiðbeiningar um vænlegasta uppeldið:
Konur sem voru eldri en 28 ára þegar þær eignuðust sitt fyrsta barn voru um 13% líklegri til að eignast eingöngu börn af sama kyni en konur sem voru yngri en 23 ára þegar þær eignuðust sitt fyrsta barn.
Vísindamenn vona að frekari rannsóknir í framtíðinni geti staðfest þessar niðurstöður og varpað skýrara ljósi á hvað veldur þessum mynstrum.
