Ýmsir þættir ráða því hvort niðursoðnar ferskjur, makríll og annar dósamatur getur geymst.
Í niðursuðuverksmiðjum er matvælum pakkað í loftþéttar niðursuðudósir og látnar undirgangast 110-130 gráðu hita. Hitinn eyðileggur örverur og ensím sem annars gætu valdið rotnun.
Þessi hitameðhöndlun tryggir þó ekki að dósamaturinn endist að eilífu. Dósirnar eru merktar með lokadagsetningu geymslutímans sem reyndar ræðst aðallega af innihaldinu.
Matvæli með hátt sýrustig, svo sem tómatar og ávextir endast oftast í 1-2 ár en sé sýrustigið lægra, t.d. í grænmeti, baunum og kjötmeti geta dósirnar varðveitt matinn óskemmdan í 2-5 ár samkvæmt leiðbeiningum bandaríska landbúnaðarráðuneytisins.
Sýrustigið dregur úr geymsluþolinu vegna þess að á löngum tíma geta efnaviðbrögð milli innihaldsins og innra byrðis dósarinnar myndað aukabragð eða hreinlega skaðvænleg efni.
Auk efnaviðbragða getur geymslustaðurinn haft áhrif. Dósamatur varðveitist best í svölu og þurru rými með sem minnstum hitabreytingum.
Þetta tryggir ekki aðeins varðveislu innihaldsins, heldur líka dósanna sjálfra og kemur í veg fyrir að þær ryðgi eða tærist. Ryð eða útbunganir auka hættuna á því að innihaldið sé skemmt.
Í sumum tilvikum getur maturinn enst talsvert lengur en dagsetningin gefur til kynna en engu að síður er nauðsynlegt að fullvissa sig um að dósin sjálf sé í góðu standi og sömuleiðis ætti maður að þefa af innihaldinu og ganga úr skugga um að það líti ekki grunsamlega út.
Svo lengi geymist dósamatur
Ávextir, t.d. ananas eða ferskjur: 1-1,5 ár.
Dósatómatar: 1-2 ár.
Grænmeti og baunir: 2-5 ár.
Kjötmeti: 2-5 ár.
