Eikynhneigðir (asexual) eru ekkert fyrir kynlíf og laðast hvorki að körlum né konum.
Samkvæmt enskri rannsókn með meira en 18.000 þátttakendum er u.þ.b. eitt prósent okkar eikynhneigð. Þátttakendur rannsóknarinnar voru m.a. spurð um kynferðislegar langanir, fjölda bólfélaga og tíðni kynlífsathafna. Ef þáttakendur svöruðu því að þeir hefðu aldrei laðast kynferðislega að neinum voru þeir flokkaðir sem eikynhneigðir.
Af 195 eikynhneigðum einstaklingum voru 70 % konur.
Þó svo eikynhneigðir væru sjaldnar í langtímasamböndum voru meira en 30 % gift eða í sambúð.
70 % eikynhneigðra voru konur. Og þrátt fyrir enga löngun til kynlífs voru 30% eikynhneigðra í föstu sambandi.
Eikynhneigðir geta að sjálfsögðu laðast að öðrum á rómantískan hátt án þess að vilja stunda kynlíf með þeim. Og jafnvel þótt þeir hafi ekki áhuga, stunda sumir samt kynlíf, t.d. til að eignast börn.
Örvhent fólk frekar eikynhneigt
Rannsóknin leiddi einnig í ljós að eikynhneigðir eru ekki eins heilsuhraustir og að eikynhneigðar konur fóru á blæðingar seinna en kynhneigðar konur.
Önnur rannsókn hefur sýnt að þú ert 2,5 sinnum líklegri til að vera eikynhneigður ef þú ert örvhentur.
Eikynhneigð er frábrugðið kynlífsröskunum eins og HSDD (Hypoactive Sexual Desire Disorder) , þar sem fólk þjáist af skorti á kynhvöt. Eikynhneigðir hafa yfirleitt ekki áhyggjur af skorti á kynhvöt, þar sem það er bara eðlilegur hluti af því hverjir þeir eru.
Er hægt að verða eikynhneigður með tímanum?
Jafnvel þótt þú hafir áður laðast að annarri manneskju kynferðislega gætirðu orðið eikynhneigður síðar á ævinni.
LESTU EINNIG
Eikynhneigð er ekki óbreytanlegt ástand og á sama hátt og sumt gagnkynhneigt fólk getur laðast að einstaklingi af sama kyni – eða öfugt – getur eikynhneigð líka komið fram einhvern tímann á æviskeiðinu. Þú getur því verið eikynhneigð einhvern tíma í lífi þínu án þess að vera þannig til frambúðar.
Skortur á kynhvöt þarf ekki að þýða að þú sért að verða eikynhneigð.
Eikynhneigð er ekki það sama og að upplifa áhugaleysi í nánum samskiptum við makann. Skortur á kynkvöt getur stafað af ýmsum ástæðum og lítill áhugi á að stunda kynlíf með makanum þýðir ekki endilega að þú sért að verða eikynhneigð. Það gæti til dæmis hugsast að þú viljir stunda kynlíf með öðrum og laðast ekki lengur að maka þínum.
