Bakteríurnar þrífast vel í handklæðinu þínu

Bakteríurnar halda hátíð í handklæðinu þínu og þess vegna þarftu að þvo það oft – sennilega oftar en þú heldur.

BIRT: 06/01/2023

LESTÍMI:

2 mínútur

Baðhandklæðið þitt er eins konar hlaðborð með raka næringu fyrir bakteríur sem berast af líkamanum í handklæðið. Þess vegna er mælt með að baðhandklæði séu þvegin oft í viku.

 

Þessi skýru skilaboð koma frá Philip Tierno sem stundar rannsóknir í örveru- og meinafræði við læknadeild New York-háskóla, í viðtali við Tech Insider.

 

Bakteríunammi

Baðhandklæði eru yfirleitt kjörstaður fyrir bakteríur: Þau eru þykk og halda því vel bæði hita og raka og ekki síst bera þau í sér mikla næringu í formi dauðra húðfrumna.

 

Sjálfar bakteríurnar koma af líkama þínum. Í hvert sinn sem þú þurrkar þér með handklæðinu berast í það – auk dauðra húðfrumna – ýmsir vessar, svo sem úr munnvatni, sárum, endaþarmi og þvagrás. Og í þessum vessum er auðvitað talsvert af bakteríum.

 

Við þetta geta svo bæst smásæir dropar sem berast frá klósettinu þegar þú sturtar niður en slíkir úðadropar berast um allt baðherbergið.

 

Handklæðið á að vera vel þurrt

Philip Tierno kemst að þeirri niðurstöðu að hafi maður aðstöðu til að þurrka handklæðið vel eftir hverja notkun, sé nægjanlegt að þvo það eftir þriðju hverja notkun.

 

Hengi maður handklæðið hins vegar bara á snaga í illa loftuðu baðherbergi, þar sem það þornar hægt á kannski hálfum sólarhring, þarf að þvo það oftar eða ekki sjaldnar en í annað hvert skipti sem það er notað.

 

Sameiginleg handklæði geta borið staffýlókokka

Reyndar fer því fjarri að við séum öll dauð úr kýlapest þótt við þvoum baðhandklæðin ekki eins oft og best væri. Ástæðan er ekki síst sú að það eru fyrst og fremst okkar eigin bakteríur sem fjölga sér í baðhandklæðinu.

 

Og þótt bakteríurnar dafni þar vel er okkar eigin bakteríuflóra okkur yfirleitt alveg óskaðleg.

 

Þú getur hins vegar veikst af bakteríum frá öðrum. Noti fleiri sama baðhandklæðið geta t.d. fótasveppir, staffýlókokkar eða bólgur smitast með handklæðinu.

 

Í þau handklæði sem við notum til að þurrka hendurnar, berast ekki jafn margvíslegar bakteríur en þau ætti samt sem áður að þvo nokkuð oft, því þessum handklæðum deilum við með öðrum.

BIRT: 06/01/2023

HÖFUNDUR: SIGNE SØRENSEN

HÖFUNDARÉTTUR MYNDA: Shutterstock

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is