Hæðarmörk trjávaxtarins eru þar sem lífsskilyrðin verða svo óblíð að trjánum sé ekki lengur líft.
En þessi vaxtarmörk eru í afar mismunandi hæð vegna þess hve aðstæður eru misjafnar á ólíkum stöðum á hnettinum.
Sumsstaðar ræður veðrið því hve hátt upp trjágróður nær að teygja sig, annarsstaðar er það úrkomumagnið og á enn öðrum stöðum ræðst þetta af fjölda sólskinsstunda.
Vindurinn getur líka haft afgerandi áhrif ef hann veldur skaða á laufi eða barri trjánna.
Gróðurmörk háð veðurfari
Það er sem sagt ógerlegt að finna nein ein hæðarmörk. Mjög norðarlega á hnettinum geta hæðarmörkin hreinlega verið við sjávarmál og þannig má hreinlega tala um eins konar pólmörk vegna þess að nálægt heimskautinu er trjágróður með öllu ómögulegur.
Það ræðst sem sagt af loftslaginu hvar tré geta vaxið miklu fremur en hæð yfir sjávarmáli.
Hæst eru trjávaxtarmörk í Bólivíu, eða í 5200 metra hæð.
Gróðurmörk ráðast af veðurfarinu
Vaxtarskilyrði trjáa ráðast af vistkerfinu og staðbundnum aðstæðum.
Fjallagróðurmörk eru í ákveðinni hæð þar sem loftslag verður of kalt fyrir trjávöxt.
Strandgróðurmörk eru oft lægri en fjallagróðurmörk vegna mikilla vinda.
Eyðimerkurgróðurmörk eru við þurrkasvæði við fjallsrætur þar sem loftraki verður of lítill.
Pólgróðurmörk ráðast af loftkulda og geta jafnvel verið við sjávarmál.
