Kvenfuglar ástralskrar finkutegundar kjósa sér helst maka með sama höfuðlit og kerlurnar bera sjálfar. Með því móti næst heppilegast samræmi erfðavísa. Hafi karlfuglinn annan höfuðlit bitnar lakari samsetning genanna einkum á kvenkyns ungum, en 80% þeirra verða skammlífir. Kerlurnar geta þó látið krók koma á móti bragði. Þegar þær velja sér maka með annan höfuðlit, geta þær sem sé eignast fleiri karlkyns unga.

Í tilraun við Macquarie-háskóla lituðu vísindamenn höfuð karlfuglanna þannig að kvenfuglarnir álitu þá óheppilega maka. Úr eggjunum komu 72% fleiri karlkyns ungar, þótt karlfuglinn væri í rauninni heppilegur maki.