Skoðaðu myndina vandlega. Hvernig línur sérðu? Sveigðar, sikk-sakk -laga eða hvort tveggja.
Sannleikurinn er sá að allar línurnar eru eins. Þær eru allar jafn mjúkar og bylgjóttar. Munurinn er sá að ljósir og dökkir hlutar eru misjafnlega staðsettir.
Ef þú tilheyrir hinum stóra meirihluta sýnist þér annað hvert línupar vera beinar sikk-sakk-línur.
Sérstök litbrigði plata heilann
Japanskir sálfræðingar ákváðu að rannsaka þessa sjónhverfingu nánar og sýndu hópi stúdenta mismunandi útgáfur af myndinni. Bæði litbrigði línanna sjálfra og bakgrunnsins, hvítt, svart og grátt, voru höfð breytileg í rannsókninni.
Rannsóknin leiddi í ljós að sjónhverfingin virkar því aðeins að bakgrunnurinn sé grár. Að auki þarf lína að breyta um lit milli topps og botns kúrfunnar til að við sjáum hana sem sikk-sakk -lagaða.
Heilinn vill frekar kanta en sveigjur
Kohske Takahashi hjá Chukyoháskóla í Japan telur mögulegt að skýringin sé sú, að heilinn noti mismunandi aðferðir til að greina skýra kanta og mjúkar línur og að þessum aðferðum geti slegið saman.
Þegar litaskipti á sveigðri línu verða á toppi og botni greinum við lóðrétta línu niður í gegnum sveigjurnar. Þessi lína yfirgnæfir skynjun heilans á stefnubreytingunni og lína virðist því sikk-sakk-laga.
