Raftæknirisinn Motorola og fyrirtækið Neurala, sem er mun smærra, hafa nú samstarf um þróun snjallmyndavéla sem á örskotsstundu geti skannað og fundið tiltekna einstaklinga í miklu mannhafi.

Andlitskennsl kallast þessi tækni og hjá Apple stendur nú til að nota hana til að opna farsíma.

En hjá Motorola og Neurala hafa menn annað markmið: Að gera samfélagið öruggara.

Skanna gagnagrunn lögreglu

Neurala þróar gervigreind og fyrirtækið hefur nú fengið einkaleyfi á hugbúnaði sem hægt er að nýta í mjög smáum tölvum. Þannig er hægt að koma gervigreindarbúnaði fyrir t.d. í lítilli búkmyndvél sem lögregla hefur utan á einkennisbúningi sínum.