Það er ekki alls kostar einfalt að meta hversu greindur tiltekinn hundur er.
Greind þessara gæludýra getur verið mismikil eftir sviðum. Sumir hundar geta t.d. leyst ákveðnar þrautir en styrkur annarra liggur í félagslyndi eða hlýðni við eigandann.
Það er meira að segja svo erfitt að ákvarða greind hunda að við Yale-háskóla er nú verið að rannsaka aðferðir til að mæla hana.
Hlýðni er auðvelt að mæla
Ein þeirra greindargerða sem auðveldast er að mæla er hlýðnin.
Hundasálfræðingurinn Stanley Coren skrifaði bókina The Intelligence of Dogs eftir ýtarleg viðtöl við alls 199 hundaþjálfara.
Hundum skipt í sex flokka
Hann notaði svör hundaþjálfaranna til að skipta hundakynjum upp í sex flokka eftir hlýðni. Í bókinni kemur fram að það hafi komið höfundinum á óvart hversu sammála þjálfararnir voru en engu að síður þarf að taka fram að þjálfun hunda er einstaklingsbundin og aukin þjálfun skapar aukna færni.
Coren flokkaði hundakynin eftir því hversu oft þurfti að endurtaka ákveðna skipun til að hundurinn lærði hana ásamt því hversu oft hundurinn hlýddi svo þessari skipun eftir að hafa skilið merkinguna.
Hér á eftir er reynt að nota þau íslensku heiti sem eru almennt þekkt, sum heiti eru íslenskuð að hluta, einkum þar sem hundakyn eru kennd við landsvæði eða t.d. hárafar en víða eru alþjóðleg heiti einfaldlega látin halda sér.
Flokkur 1
Skipunin skilin eftir í mesta lagi fimm tilraunir og hundurinn hlýðir svo í a.m.k. 95% tilvika þegar skipunin er gefin.
Dobermann
1. Border collie
2. Púðluhundur
3. Scheffer
4. Golden retriever
5. Dobermann
6. Hjaltlenskur fjárhundur (Sheltie)
7. Labrador
8. Papillon (spanielafbrigði)
9. Rottweiler
10. Ástralskur nautasmali (Australian Cattle Dog)
Flokkur 2
Skipunin skilin eftir 5-15 tilraunir og hundurinn hlýðir svo í um 85% tilvika þegar skipunin er gefin
Velskur corgi pembroke
11. Velskur corgi pembroke
12. Dvergschnauzer
13. Enskur Springer Spaniel
14. Tervueren
15. Schipperke
16. Keeshond (Keeshundur, hollensk-þýskt kyn)
17. Kurzhaar veiðihundur (þýskur)
18. Stutthærður retriever, Cockerspaniel, Miðlungs-schnauzer
19. Bretonhundur
20. Nova Scotia retriever
21. Weimar veiðihundur
22. Malinoishundur (belgískur), Berner fjallahundur
23. Pomeraniuhundur
24. Írskur spaniel
25. Vizslahundur (ungverskur)
26. Welskur corgi cardigan
Flokkur 3
Skipunin skilin eftir 15-25 tilraunir og hundurinn hlýðir svo í um 70% tilvika þegar skipunin er gefin.
Samoyedhundur
27. Chesapeake Bay retriever, Pulihundur, Yorkshireterrier
28. Riesenschnauzer, Portúgalskur spaniel
29. Airedale terrier, Bouvier des Flandres
30. Borderterrier, Briardhundur
31. Velskur springer spaniel
32. Manchesterterrier
33. Samoyedhundur
34. Field spaniel, Nýfundnalandshundur, Ástralskur terrier, Amerískur staffordshire terrier, Gordon setter, Bearded collie
35. Amerískur eskimóahundur (reyndar upprunninn í Evrópu), Cairn terrier, Kerry blue-terrier, Írskur setter
36. Norskur Elghundur
37. Affenpinscher, Ástralskur silky terrier, Dvergpinscher, Llewellin setter, Clumber spaniel
38. Norwich terrier
39. Dalmatíuhundur
Flokkur 4
Skipunin skilin eftir 25-40 tilraunir og hundurinn hlýðir svo í um 50% tilvika þegar skipunin er gefin.
Stóri dani
40. Mjúkhærður wheaten terrier, Bedlingtonterrier, Foxterrier
41. Krullhærður retriever, Írskur úlfhundur
42. Kuvasz, Ástralskur fjárhundur (shepherd)
43. Saluki, Finnskur Spids, Pointer
44. Cavalier King Charles spaniel, Loðinn pointerhundur, Black-and-tan coonhound, American Water Spaniel
45. Siberian husky, Bichon Frisé, King Charles Spaniel
46. Tíbetskur spaniel, Enskur foxhound, Otterhound, Amerískur foxhound, Greyhound, Harrier, Parson Russel-terrier, Loðinn Pointing Griffon
47. West Highland white-terrier, Havaneser, Skoskur hjartarhundur
48. Boxer, Stóri Dani
49. Grafhundur, Staffordshire Bull Terrier, Shiba
50. Alaskan malamute
51. Whippet, Shar pei, Loðinn foxterrier
52. Rhodesian ridgeback
53. Ibizahundur, Velskur-terrier, Írskur terrier
54. Boston terrier, Akita Inu
Flokkur 5
Skipunin skilin eftir 40-80 tilraunir og hundurinn hlýðir svo í um 40% tilvika þegar skipunin er gefin.
Chihuahua
55. Skye terrier
56. Norfolk terrier, Sealyhamterrier
57. Mops
58. Franskur bolabítur
59. Griffon Bruxellois, Malteserhundur
60. Ítalskur mjóhundur
62. Dandie Dinmont-terrier, Tíbetskur terrier, Japanskur spaniel, Lakeland-terrier
63. Old English-fjárhundur
64. Pyreneahundur
65. Skoskur Terrier, Sankti Bernhardshundur
66. Bullterrier
67. Petite Basset Griffon Vendéen
68. Chihuahua
69. Lhasa apso
70. Bullmastiff
Flokkur 6
Skipunin kannski skilin eftir svo sem 100 tilraunir og hundurinn hlýðir svo í um 30% tilvika þegar skipunin er gefin.
Afganskur mjóhundur
71. Bassethundur
72. Enskur mastiff, Beagle
73. Pekinghundur
74. St. Hubert-hundur (blóðhundur)
75. Borzoi
76. Chow chow
77. Enskur bolabítur
78. Basenji
79. Afganskur mjóhundur
Ekki hinn endanlegi sannleikur
Listi Corens er þó síður en svo endanleg greining á greind hunda. Til að mynda hafa sumir vísindamenn ályktað að afganski mjóhundurinn sé tiltölulega greindur, þótt hann sé neðstur á þessum lista.
Þessir hundar eru á hinn bóginn mjög sjálfstæðir og eru þess vegna ekki sérlega gefnir fyrir að hlýða skipunum.
Birt 16.08.2021
BABAK ARVANAGHI
