Tækni – Stríðstækni
Lestími: 3 mínútur
Fjölmörg tilvik eru um tilfallandi, skyndileg og óútskýrð sjúkdómseinkenni sem hafa herjað á sendiráðsfulltrúa og hermenn frá árinu 2016.
Núna varpar nýleg grein í The New York Times ljósi á umfang svonefnds Havana-heilkennis og sýnir hún að þetta á sér ekki einungis stað í höfuðborg Kúbu.
60 starfsmenn bandaríska utanríkisráðuneytisins í bæði Rússlandi og Kína sem og í Bandaríkjunum, hafa kvartað undan margvíslegum dularfullum kvillum.
Síðasta tilvik er frá því í maí 2021.
Grunsemdir eru uppi um að fjandsamlegt ríki beiti óþekktri tækni í þessu endamiði.
Byrjar með hvellu hljóði
Þeir sem verða fyrir þessu heilkenni greina frá því að hafa m.a. heyrt skarpan hvell og fundið síðan fyrir miklum þrýstingi í höfðinu. Í kjölfarið hafi margvíslegir kvillar komið fram.
Myndband: Sjáið fórnarlamb útskýra Havana-heilkenni
Einkenni Havana-heilkennis
- Flökurleiki
- Svimi
- Sjóntruflanir
- Vöðvamáttleysi
- Svefnleysi
- Minnistap
Samkvæmt bandarískri skýrslu benda einkennin til að áhrifin stafi af „markvissri, lotubundinni útvarpsbylgjuorku“.
Svona geta bylgjur lamað líkamann
Mörg vel þekkt vopn nota bylgjur til að ráða niðurlögum óvinarins.
Sem dæmi notar vopn eitt lotubundnar útvarpsbylgjur til að verka á skynhár djúpt inni í hlustinni sem geta valdið svima, truflun á einbeitingu og skorti á jafnvægi.
Nái bylgjur að fá skynhárin í innra eyranu til að titra, opnar þetta eða lokar svonefndum jónagöngum sem stýra heilaboðum í jafnvægisstöðvum heilans. Til vinstri er ástand þar sem of ör boð berast – hægra megin berast boðin of hægt.
Annað vopn sendir frá sér örbylgjuorku sem heilavefurinn nemur og skapar þetta litla en hraða hækkun á hitastigi þannig að heilavefurinn þenst út.
Þessi útþensla skapar þrýstibylgju inni í höfuðkúpunni sem veldur miklum óþægindum.
Heilkenni veldur varanlegum heilaskaða
Rannsókn frá árinu 2019 sýnir að hjá sumum sjúklingum mátti greina heilaskaða sem má líkja við linnulausan heilahristing.
Segulómmyndir af heila sjúklinga sýna breytingar í hvíta og gráa efni heilans. Litirnir sýna hvernig heilavefurinn hefur ýmist vaxið eða skroppið saman.
Samkvæmt The New York Times leggur Joe Biden forseti Bandaríkjanna mikla áherslu á að þetta mál verði rannsakað til hlítar.
Nafnlausar heimildir, úr bæði ríkisstjórn Trump fráfarandi forseta sem og Bidens, herma að rússneska leyniþjónustan standi líklega að baki þessum dularfullu árásum.
Birt 26.08.2021
JEPPE WOJCIK
