Hávöxnum einstaklingum er helmingi hættara við kórónuveirusmiti

Einstaklingum sem eru hærri en 183 cm er helmingi hættara við smiti af völdum kórónuveiru en við á um lágvaxnari meðbræður þeirra, ef marka má nýja rannsókn sem gerð var við háskólann í Manchester.

BIRT: 13/08/2020

LESTÍMI:

< 1 mínútur
Share on facebook

Vísindamennirnir söfnuðu saman gögnum úr spurningalista sem sendur var til hartnær tvö þúsund manns á Stóra-Bretlandi og í Bandaríkjunum.

Helmingi fleiri hávaxnir svarendur sögðust hafa greinst með COVID-19 en við átti um lægri meðbræður þeirra og vísindamenn segja niðurstöðurnar gefa til kynna að veiran dreifist ekki einungis með snerti- og dropasmiti heldur berist hún jafnframt í lofti.

Ef raunin væri sú að veiran dreifðist einvörðungu með því að stórir, þungir dropar úr munni eða nefi lenda á gólfi eða jörðu sem einstaklingar svo komast í snertingu við, þá myndi líkamshæð engu máli skipta fyrir hættuna á að verða fyrir smiti. Ef á hinn bóginn örsmáar eindir svífa um langtímum saman í hærri loftlögum, þá verða niðurstöður vísindamannanna loks skiljanlegar.

„Fjarlægðarmörk skipta ennþá miklu máli, því dropasmit er staðreynd en hins vegar hafa niðurstöður okkar sýnt fram á að grímur geta verið jafn mikilvægt – ef ekki mikilvægara – vopn í baráttunni gegn smiti,“

segir Evan Kontopantelis, prófessor við Manchester háskóla.

Í nýliðnum júlímánuði undirrituðu 239 sérfræðingar um gjörvallan heim bréf, þar sem læknisfræðileg samtök voru hvött til að viðurkenna að kórónuveiran geti borist í lofti.

Alþjóðaheilbrigðismálastofnunin (WHO) vill ekki útiloka að smit geti borist innanhúss í troðfullu rými með slælegri loftræstingu en stofnunin auglýsir enn eftir frekari rannsóknum á þessu sviði áður en endanleg niðurstaða verður kunngjörð.

Rannsóknin sem gerð var við Manchester háskóla verður jafningjarýnd á næstu vikum.

BIRT: 13/08/2020

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is