Heimamenn reistu Stonehenge

BIRT: 04/11/2014

LESTÍMI:

< 1 mínútur
Share on facebook

Fornleifafræði

Í von um að geta upplýst leyndardóma Stonehenge hafa fornleifafræðingar árum saman leitað að rústum steinaldarbyggðar á þessu svæði – fram að þessu án árangurs.

 

Það vakti því óneitanlega athygli þegar breskir fornleifafræðingar uppgötvuðu nýlega leifar lítils þorps frá nýrri steinöld í aðeins örfárra km fjarlægð frá Stonhenge. Þorpið hefur staðið í um 3,2 km fjarlægð frá Stonehengi og í grennd við annað og minna þekkt minnismerki sem nefnist “Durrington Walls”.

 

Fornleifafræðingarnir hafa nú þegar grafið upp 8 hús í þorpinu en þeir telja að þar megi finna leifar alls hátt í 100 húsa.

 

Kolefnisgreining sýnir að þorpið er frá svipuðum tíma og Stonhenge, þ.e. um 2500 f.Kr. Fornleifafræðingarnir koma m.a. frá Manchester-háskóla og “National Geographic Society” og þeir telja að íbúar þessara húsa hafi verið þeir handverksmenn sem reistu bæði Stonhenge og Durrington-veggina.

 

Húsin stóðu á bakka Avon-árinnar og við göngustíg sem á sínum tíma hefur tengt minnismerkin tvö. Þau átta hús sem þegar hafa verið grafin upp voru öll byggð úr timbri, ferningslaga, 5 m á hvern veg og með eldstæði í miðjunni.

 

Fornleifafræðingarnir hafa auk húsanna sjálfra fundið í þeim ummerki um svefnstaði, setbekki og geymsluskáp sem staðið hefur við vegginn beint á móti dyrunum.

 

Steináhöld og dýrabein hafa fundist í þorpinu og leifar grísabeina sýna að grísirnir hafa verið um 9 mánaða gamlir þegar þeim var slátrað. Þorpsrústirnar sýna að íbúarnir hafa byggt bæði Stonehenge og Durrington-veggina og það voru líka þeir sem nýttu þessi mannvirki.

 

Íbúarnir héldu mikla hátíð við Durrington-veggina við vetrarsólhvörf, en við Stonhenge var hinna dauðu minnst við sumarsólstöður.

 
 

BIRT: 04/11/2014

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is