LESTÍMI: 2 MÍNÚTUR
Friðartáknið er eiginlega tákn baráttunnar gegn kjarnorkuvopnum. Táknið mótaðist í kjölfar mótmæla gegn kjarnorkuvopnum í London árið 1958.
Enski hönnuðurinn og myndlistarmaðurinn Gerald Holtom nýtti sér merkjaflöggin fyrir bókstafina N og D – sem styttingu fyrir „Nuclear Disarmament“.
Táknið birtist í fyrsta sinn í fjölmiðlum þetta sama ár þegar hópur aðgerðasinna sigldi inn á bandarískt yfirráðasvæði þar sem kjarnorkusprengjur voru prófaðar við Bikini-eyjar í Kyrrahafi.
Þeir mótmæltu notkun kjarnorkuvopna á svæðinu og höfðu fána með tákninu á bát sínum.
Frekari útbreiðsla táknsins átti sér einkum stað upp úr 1960 þegar bandaríski neminn og friðarsinninn Philip Altback heimsótti London.
Hann tók fullan poka af ýmis konar barmmerkjum með sér til Chicago. Altback dreifði þeim út í háskólanum í Chicago og taldi „Student Peace Union“ á að gera táknið að opinberu tákni samtakanna.
Tugþúsundir barmmerkja seldust í háskólanum um öll Bandaríkin á næstu árum. Meðan á Víetnamstríðinu stóð breiddist táknið til annarra friðarhreyfinga og varð sameiginlegt tákn fyrir friðarsinna.
Merkjaflögg urðu friðartákn
Allir flotar heims styðjast við sama kerfi merkjaflagga og hver bókstafur í stafrófinu hefur eigið tákn. N og D voru notuð sem skapalón fyrir friðartáknið. Þeir standa fyrir „Nuclear Disarmament“
Birt: 10.11.2021
Bue Kindtler-Nielsen
