Hugtakið „pólitískur rétttrúnaður“ er hins vegar núna oft notað af manneskjum á hægri væng stjórnmála. Þeir nota hugtakið til að gagnrýna andstæðinga á vinstri vængnum sem láta sig samsemdarpólitík miklu varða – þar með talið að hreinsa tungumálið af hugtökum sem kunna að vera niðrandi fyrir minnihlutahópa í samfélaginu.
Hugmyndin er þó upprunalega komin frá vinstri vængnum til viðurkenningar á þeim mönnum sem voru taldir haga sér með lofsverðum hætti að mati flokksins.
Eftir öllum ummerkjum að dæma náði hugtakið sér fyrst á strik meðal embættismanna í rússneska kommúnistaflokknum eftir byltinguna þar í landi árið 1917.
Þar var hugtakið tengt við hollustu flokksfélaga sem aldrei viku burt af vegi pólitískrar línu flokksins og áttu sér jafnan bjarta framtíð innan kommúnistaflokksins.
![](https://visindi.is/wp-content/uploads/2023/11/Kommunist-parti-Hvornaar-blev-vi-politisk-korrekte-1.jpg)
Jósef Stalín og rússneskir kommúnistar voru fyrstir til að kalla hver annan „politically correct“.
Hægri tók yfir hugtakið
Þegar hugmyndin náði til Vesturlanda var hún einkum notuð í kaldhæðni af vinstri vængnum. Sem dæmi gerðu ungir sósíalistar upp úr 1970 grín að gömlum sósíalistum og kenndu þá við pólitískan rétttrúnað, því þeir eyddu miklum tíma í pólitíska naflaskoðun og tengdust rússneskum kommúnistum nánum böndum.
Það var síðan upp úr 1990 sem þessi lýsing var tekin yfir af hægrisinnuðum álitsgjöfum og öðlaðist neikvæða merkingu.
Einn veigamikill póstur í þessum efnum var útkoma bókarinnar „Illiberal Education“ frá 1991. Í bókinni hæðist íhaldssami rithöfundurinn Dinesh D’Souza að því hversu vinstrisinnað fólk einblínir á samsemdarpólitík.