Hið vel þekkta kattarmal myndar húskötturinn með raddböndunum í barkakýlinu. Hljóðið myndast bæði þegar kötturinn andar inn og út. Kötturinn þarf ekki að hafa munninn opinn og hann getur haldið áfram að mala klukkustundum saman ef honum þóknast.

Malhljóðið er reyndar öllum kattardýrum sameiginlegt, en meðal hinna stærri, t.d. hjá ljónum og tígrisdýrum, eru það yfirleitt aðeins ungarnir sem mala. Hér þjónar malið þeim tilgangi að auka tengslin við móðurina, þannig að hún viti stöðugt hvar ungarnir eru og hvort þeim líður vel. Ungarnir mala nefnilega því aðeins að þeir séu saddir og þeim líði vel. En tamdi húskötturinn malar sem kunnugt er einnig á fullorðinsaldri og í þessu tilviki er malið félagslegs eðlis og hvetur til vinsemdar.