Sem yfirmaður þýska hersins gat Hitler ekki látið sér nægja eina aðalbækistöð á miðlægum stað þegar hann þurfti að taka mikilvægar ákvarðanir sem stríðsreksturinn krafðist.
Fyrir bragðið létu Þjóðverjar reisa aðalbækistöðvar á mikilvægum stöðum, svonefndar leiðtogabækistöðvar (Führerhauptquartiere, skammstafað FHQ) fyrir hverja mikilvæga herför þýska hersins.
Leiðtogabækistöðvar voru staðsettar í grennd við víglínuna og jafnframt nærri þjóðvegi, járnbraut ellegar flugvelli, þannig að Hitler gæti komist þangað á sem skemmstum tíma. Þá varð jafnframt að vera auðvelt að dylja bækistöðvarnar og í ljósi þess var þeim oft komið fyrir í skógi.
Hitler fundaði með bæði hershöfðingjum og ráðherrum á meðan hann dvaldi í aðalbækistöðvum sínum.
Bækistöðvarnar vel varðar
Áður en leiðtoginn gat nýtt nýju bækistöðvarnar voru þær afgirtar með gaddavír og jarðsprengjum komið fyrir í kring. Lagðir voru ótalmargir fjarskiptakaplar yfir í samskiptaherbergið.
Vinnuhópar sem samanstóðu af mörg þúsund manns útbjuggu sprengjuheldin neðanjarðarbyrgi, fundarsali, gistiaðstöðu fyrir starfsliðið, svo og herskála fyrir hersveitirnar sem vernduðu leiðtogann á meðan hann dvaldi í grennd við víglínuna.
Rautt: Bækistöðvar sem Hitler notaði.
Svart: Bækistöðvar byggðar fyrir Hitler en voru aldrei notaðar.
Hitler notaði aðalbækistöðvar til að gera bardagaáætlanir og mæla sér mót við hershöfðingja sína nærri víglínunni.
Felsennest (Bad Münstereifel, Þýskalandi)
Byrgið var útbúið fyrir innrásina í Holland árið 1940.
Fyrsta aðalbækistöð Hitlers var sú eina sem reist var í útjaðri þorps. Allar hinar aðalbækistöðvarnar voru afskekktari í því skyni að forðast mætti njósnir og banatilræði. Hinni svonefndu „gulu aðgerð“ var stýrt úr „Klettabyrginu“ í vesturhluta Þýskalands en sú aðgerð var notuð við innrás Þjóðverja í Holland, Belgíu og norðurhluta Frakklands árið 1940.
Wolfsschanze (Kȩtrzyn, Póllandi)
Hitler lét útbúa „Úlfsgrenið“ í austurhluta Prússlands áður en Þjóðverjar réðust inn í Sovétríkin árið 1941. Þarna varði hann alls 800 dögum
Werwolf (Vínnitsja, Úkraínu)
Bækistöðina „Varúlfinn“ var að finna inni í miðjum greniskógi í Úkraínu en þangað kom Hitler alls þrisvar á tímabilinu frá júlí til október árið 1942 til þess að stjórna hertöku olíuvinnslusvæðanna í Kákasus.
Rautt: Bækistöðvar sem Hitler notaði.
Svart: Bækistöðvar byggðar fyrir Hitler en voru aldrei notaðar.
Hitler notaði aðalbækistöðvar til að gera bardagaáætlanir og mæla sér mót við hershöfðingja sína nærri víglínunni.
Felsennest (Bad Münstereifel, Þýskalandi)
Byrgið var útbúið fyrir innrásina í Holland árið 1940.
Fyrsta aðalbækistöð Hitlers var sú eina sem reist var í útjaðri þorps. Allar hinar aðalbækistöðvarnar voru afskekktari í því skyni að forðast mætti njósnir og banatilræði. Hinni svonefndu „gulu aðgerð“ var stýrt úr „Klettabyrginu“ í vesturhluta Þýskalands en sú aðgerð var notuð við innrás Þjóðverja í Holland, Belgíu og norðurhluta Frakklands árið 1940.
Wolfsschanze (Kȩtrzyn, Póllandi)
Hitler lét útbúa „Úlfsgrenið“ í austurhluta Prússlands áður en Þjóðverjar réðust inn í Sovétríkin árið 1941. Þarna varði hann alls 800 dögum.
Werwolf (Vínnitsja, Úkraínu)
Bækistöðina „Varúlfinn“ var að finna inni í miðjum greniskógi í Úkraínu en þangað kom Hitler alls þrisvar á tímabilinu frá júlí til október árið 1942 til þess að stjórna hertöku olíuvinnslusvæðanna í Kákasus.
Alls voru reistar 14 slíkar aðalbækistöðvar meðan á stríðinu stóð og sjö til viðbótar voru í bígerð en þó ekki fullkláraðar.
Leiðtoginn kom aldrei til allra aðalbækistöðvanna sem voru nýttar af þýska hernum í staðinn.