Líkamstjáningin afhjúpar lygarann

Fjöldi þekktra einstaklinga hefur logið í beinni útsendingu - þar á meðal forsetar og íþróttamenn. Margir hverjir eru sannfærandi en samt geta svipbrigði og líkamstjáning afhjúpað þá. Hér getur þú lært að sjá í gegn um lygina.

BIRT: 27/01/2021

LESTÍMI:

2 mínútur
Share on facebook

MAÐURINN – SÁLFRÆÐI

 

LESTÍMI: 3 MÍNÚTUR

Tvisvar til tíu sinnum á dag– svo oft ljúgum við.


Karlmenn ljúga oftast til að líta vel út og konur til að öðrum líði vel. En hvað kemur upp um lygarann?


Sjáið myndböndin hér fyrir neðan og útskýringarnar sem fylgja um hugarheim lygarans.

Lygari 1: Bill Clinton


Þáverandi forseti Bandaríkjanna neitaði að hafa verið í nánu sambandi við ungan starfsnema, Monicu Lewinsky.

 

Þannig var hann afhjúpaður!

 

Fjarlægð í málfari

 

Til að fjarlægja sig frá atburðunum sem viðkomandi neitaði að hafa tekið þátt í getur lygari ómeðvitað skapað fjarlægð í málfari.

 

Þessa tækni notaði Bill Clinton, þegar hann talaði um Monicu Lewinsky sem ,,that woman“. Hefði hann nefnt hana á nafn væri lygin ekki eins augljós.

Lygari 2: John Edwards


Það komst upp um samband bandaríska forsetaframbjóðandans við konu sem varð ólétt. Edwards hélt því gallharður fram að hann væri ekki faðir barnsins. Seinna kom í ljós að það var lygi.

 

Þannig var hann afhjúpaður!

 

Mótsagnakennd hegðun

 

Þegar John Edwards var spurður hvort hann væri til í að fara í próf, hristi hann hausinn en á sama tíma sagðist hann glaður vilja taka faðernispróf.

 

Lítið samhengi milli orða og líkamshreyfinga þýðir oft að einstaklingur sé að ljúga.

 

Karl Gústaf Svíakonungur gerði sömu mistök þegar hann var spurður í viðtali árið 2011 hvort til væru vafasamar myndir af honum þegar hann heimsótti nektarklúbb. Hann svaraði neitandi en kinkaði kolli á sama tíma.

 

Lygari 3: Lance Armstrong

 

Hjólreiðakappinn neitaði árið 2005 að hafa tekið inn ólögleg lyf. Það kom svo á daginn að það var ekki rétt og hinn sjöfaldi sigurvegari Tour de France hjólreiðakeppninnar var sviptur öllum sínum titlum.

 

Svona var hann afhjúpaður!

 

Blikkar sjaldan augunum


,,I have never doped“ sagði hann með nánast starandi augnaráði í viðtali frá árinu 2005. En sannleikurinn var að Armstrong hafði kerfisbundið notað ólögleg efni í mörg ár.

 

Einstaklingar sem ljúga, blikka augum sjaldnar. Ástæðan er að þeir nota mun meiri heilaorku í að einbeita sér að lyginni. En á sama hátt blikka þeir augum meira eftir að hafa logið.

Þetta getur líka komið upp um lygarann

 

Bæði kynin taka lengri þagnir en venjulega á meðan þau segja lygasögu.


Heilinn þarf meiri tíma til að spinna upp sögu en til að segja frá raunverulegum minningum. Í raun mæla sálfræðingar viðbragðstímann sem gæti verið vísbending um að viðkomandi sé að ljúga.

 

Lygari hefur enga vörn gegn heilaskanna


Sálfræðin getur afhjúpað ytri merki um að verið sé að ljúga. Með nýjum heilaskönnum er beinlínis hægt að sjá lygina í ennisblaðinu.

 

 

Texti Antje Gerd Poulsen og Anne Lykke

BIRT: 27/01/2021

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is