Ljósmengun af völdum manna er talin ein helsta ástæða skordýradauða um allan heim og vísindamenn hafa hvatt fólk til að slökkva ljós til bjargar þessum mikilvægu dýrum.
En af hverju þyrpast skordýrin eiginlega að manngerðu ljósi?
Algengasta skýringin hefur verið sú að skordýrum sé eiginlegt að nota endurkast sólarljóss frá tunglinu til að rata um á nóttinni og ruglist einfaldlega á rafljósi og tunglsljósi. Það skýrir hins vegar ekki hvers vegna flugur sem eru á ferli að degi til skuli laðast að rafljósum.
Nú hafa vísindamenn hjá Imperial College í London myndað skordýr í eðlilegu umhverfi til að skýra hvað liggur í raun og veru að baki þessari ljóslöðun.
Meðal annars voru notaðar háhraðamyndavélar og stakar kyrrmyndir úr slíkum myndskeiðum til að greina nákvæmlega hreyfingar margra skordýra umhverfis rafljós.
Meðal þess sem í ljós kom, var að skordýrin snúa bakinu í ljósið og vísindamennirnir drógu af því þá ályktun að skordýrin sýni svonefnd baklæg ljósviðbrögð sem eru þekkt bæði meðal fiska og skordýra og eru talin aðferð til að átta sig á leiðinni upp.
Rafhlaða sem má innbyrða
Vísindamennirnir gera sér vonir um að rafhlaðan verði notuð bæði á skurðstofum og í barnaherbergjum.
Við rafljós geta þessi viðbrögð hins vegar valdið því að flugurnar flögri sífellt í kringum ljósið og áttunarhæfni þeirra verði að engu.
Jafnvel við náttúrulegar aðstæður, svo sem þegar sólin er að koma upp eða setjast, munu þessi viðbrögð geta ruglað flugur algerlega í ríminu.
Rannsóknin leiddi líka í ljós að viðbrögðin eru ekki öllum flugum eðlislæg og t.d. laðast bananaflugur ekki að rafljósum.
