Læknisfræði

Ígerð í sárum getur skapað mikinn vanda ef penisilínmeðferð virkar ekki. En nú eygja menn hér nýja lausn. Við háskólann í Manchester hafa vísindamenn prófað svonefnda maðkameðferð, sem felst í því að láta maðka éta upp bólguna sem myndast í sárinu. Frumtilraun var gerð á 13 sykursýkissjúklingum með fótasár, sem ekki létu undan penisilínmeðferð, og skilaði afar góðum árangri. Eftir meðferðina greru sár 12 sjúklinga af 13 til fullnustu. Ekki er fullljóst hvernig maðkarnir drepa sýkinguna en líklegt þykir að þeir gefi frá sér bakteríudrepandi efni, auk þess að éta í sig hið bólgna hold.